Киир

Киир

Жатайга киэһэ хойут, элбэх квартиралаах дьиэ олбуоругар, саанан ытыылаах быһылаан таҕыста диэн иһитиннэрэр өрөспүүбүлүкэтээҕи ИДЬМ пресс-сулууспата.

Силиэстийэ быһаарбытынан, күлүгээн бу дьиэ 53 саастаах олохооҕо буолара билиннэ. Быһаарыллыбытынан, кини ол киэһэ бэйэтин дьиэтигэр аймахтарын кытар арыгы иһэ олорбут. Остуол тула олорооһун бүппүтүн кэннэ, биир ыалдьыт дьиэлээбит, ол эрээри тахсан баран ханна да ырааппатах, таһынаа ыскамыайкаҕа сытынан баран утуйан хаалбыт.

Дьиэлээх хаһаайын таһырдьа табахтыы тахсан баран, аймаҕа ыскамыайкаҕа сытарын уонна аттынааҕы ыскамыайкаҕа икки эдэр уол олороллорун бэлиэтии көрбүт. Бу уолаттар аймаҕын кырбаабыттар дии санаабыт, уонна уолаттары сэмэлээн барбыт, онуоха уолаттар киниэхэ кыһаллыбатахтар.

«Бу түгэҥҥэ эр киһи дьиэтигэр кэлбит уонна төттөрү аны саалаах эргиллибит. Уолаттар эмиэ кыһаллыбатахтар кини саҥатыгар. Холуочук киһи саа иитилээҕин дакаастаары иккитэ салгыҥҥа ыппыт. Уолаттар манна даҕаны кыһаммакка кинини утары туох да дьайыы оҥорботохтор. Күүлүгээн дьиэтигэр төннөн, саатын сиэйпэҕэ кистээбит. Бу кэмҥэ эдэр дьонтон биирдэстэрэ полицияҕа эрийэн быһылаан туһунан тыллаабыт», - диэн кэпсээтилэр пресс-сулууспаҕа.

“Күлүгээнистибэ” диэн ааттаах Арассыыйа Холуобунай ыстатыйатын 213 ыстатыйатынан, 2 пуунунан кинини утары холуобунай дьыала көбүтүлүннэ. Бу буруй иһин сэттэ сылга диэри көҥүлү быһыы накаастабыл көрүллэр.

Тарҕат:

Санааҕын суруй