Күн-дьыл туругунан сибээстээн, "Якутия" авиахампаанньа Орто Халыма куоратыттан Дьокуускайга дылы көтүөхтээх сөмөлүөтэ тҕрдүс күнүн кыайан көппөккө турар. Бу туһунан хампаанньа пресс-сулууспата иһитиннэрэр.
Орто Халыматтан сөмөлүөт муус устар 24 күнүгэр көтөн кэлиэхтээх этэ. Муус устар 23 күнүгэр Орто Халыма аэропордун көтөр балаһатын хаар тибэн кэбиһэн сабылларга күһэллибиттэр. Оттон бэҕэһээ көтөр балаһа араарыыта хамсаан, Dash Q-300 сөмөлүөт түһэр кыаҕа суох балаһыанньата үөскээбит. Аны туран, муус устар 25 уонна 26 күннэригэр аэропорт өрөөбүт. Билигин аэропорт салалтатын кытары сөмөлүөтү хаһан көтүтэллэрин быһаарсаллар. Билигин Орто Халымаҕа күн-дьыл туруга туран биэрбит, +4 кыраадыс, соҕурууттан сөкүүндэҕэ 2 м түргэннээх тыаллаах, сөҥүү түһэрэ күүтүллүбэт.
