Киир

Киир

Өрөспүүбүлүкэ премьерэ Андрей Тарасенко министиэристибэлэр уонна биэдэмэстибэлэр салайааччыларын кытары социальнай эбийиэктэри тутуу бэрээдэгин дьүүллэһэр мунньаҕы тэрийэн ыытта.

Премьер култуура, доруобуйа харыстабылын, успуорт, үөрэх эбийиэктэрин тутууга бырайыактааһын, хаһан саҕалыылларын, түмүктүүллэрин туһунан дакылааттатта. Ол түмүгүнэн бу чугастааҕы сылларга тутуллуохтаах эбийиэктэри бэрээдэктээһин хос көрөргө сорудахтаабыт. Ыам ыйыгар ону улуус баһылыктара уонна норуот дьокутааттара көрүөхтээхтэр. Тутуу уочаратын таҥыыга ПСД төһө сиппититтэн саҕалаан өрөспүүбүлүкэҕэ инники күөҥҥэ сылдьар соруктары ситиһэргэ ордук наадалаахтарын көрөн учуоттуохтара. Ол киритиэрийдэрин көрөн баал биэриэхтэрэ, ону экэниэмикэ министиэристибэтэ сүрүннүүр. Билигин тутуллуохтаах эбийиэктэр испииһэктэригэр  уопсайа 572 эбийиэк, ол иһигэр 278 үөрэх эйгэтин, 228 - доруобуйа харыстабылын, 27 - социальнай хааччыллыы, 22 - култуура уонна 17 успуорт эбийиэктэрэ киирэллэр. 

 

Тарҕат:

Санааҕын суруй