Киир

Киир

Хамсыктан сылтаан муҥутуур бэлэм буолуу эрэсиимэ Саха сиригэр ыам ыйын 31 күнүгэр диэри уһаата, уураахха Саха сирин аҕа баһылыга Айсен Николаев илии баттаата. Ол туһунан аҕа баһылык уонна бырабыытылыстыба пресс-сулууспатыгар иһитиннэрдилэр.

Түүҥҥү кулууптары (дискэтиэкэлэри), караоке-саалаларын уонна онтон да атын аралдьытар сирдэргэ хааччахтааһыннар 2021 сыл, ыам ыйын 31 күнүгэр диэри уһатылыннылар. Уураах сокуоннай күүһүгэр 2021 сыл ыам ыйын 1 күнүттэн киирэр.

Хроническай ыарыылаах 65 саастарыттан үөһэ аҕам саастаах дьон үлэлэригэр тахсалларыгар, саҥа уураахха суруллубутунан, үлэ биэрээччилэр үлэһиттэригэр хамсыкка чинчийиини бэйэлэрин күүстэринэн уйунуохтаахтар уонна түмүгэ отрицательнай эрэ буоллаҕына үлэҕэ таһаарыахтаахтар.

Чопчуланарынан бу ирдэбил иммунизация толору куурсун ааспат дьоҥҥо тарҕаммат кинилэр хамсыгы утары быһыыны ылбыттара 42 күн ааспыт буоллаҕына, ону таһынан хамсыгынан ыалдьан ааспыт дьоҥҥо, бу дьон ыалдьа сылдьыбыт дьон Федеральнай испиэһэгэр киллэриллибит буоллахтарына үтүөрбүттэрин кэнниттэн алта ый иһигэр.

Ону таһынан бэлиэтэнэринэн, 65 саастарыттан үөһэ аҕам саастаах дьону итиэннэ хроническай ыарыылаах үлэһиттэри оробуочай хомондьуруопкаҕа ыытар бобуллар диэн суруллар уураахха. Үлэлиир кэмнэригэр бу дьон чугас алтыһыыттан туттунуохтаахтар, - сүрүннээн электроннай хардарыта сибээс көрүҥүнэн туһаныахтаахтар, иһитиннэрии тиэрдэргэ төлөппүөнүнэн, мунньахтарга видеоконференцсибээс өҥөтүнэн актыыбынайдык туһаналлара сүбэлэнэр. Хас 2-4 чаас ахсын туох баар таарыллар сирдэргэ дезинфекция ыытыллыахтаах, бактерициднай салгын ыраастааһына ыытыллыахтаах.

Тарҕат:

Санааҕын суруй