Киир

Киир

Ыам ыйынааҕы бырааһынньыктааҕы күннэргэ өрөспүүбүлүкэ Госавтоинспекцията күүһүрдүллүбүт үлэ эрэсиимигэр көһөр, диэн биэдэмистибэ пресс-сулууспата иһитиннэрэр.

Ыам ыйын 1 – 10 күнүгэр диэри өрөспүүбүлүкэ суолларыгар ДПС нэрээттэрэ элбиэхтэрэ, ГИБДД үлэһиттэрэ нэһилиэнньэлээх пууннар киирэр-тахсар аартыктарыгар туруохтара. Суоппардары маассабай бэрэбиэркэлээһин саҕаланыаҕа.

Күүстээх болҕомто итирик туруктаах суоппардары тутааһыҥҥа, утары сырыы сурааһыныгар тахсар суоппардарга, пассажирдары, чуолаан оҕолору тиэйии быраабылатын кэһэр суоппардарга ууруллуоҕа. Ону таһынан сатыы сылдьар дьонунан суол быраабылатын кэһэллэрин сэрэтии үлэтэ саҕаланыаҕа, итиэннэ моторанспорт ыытааччыларын бэрэбиэркэлээһин саҕаланыаҕа.

«Ону таһынан, көҥүлэ суох саалары тиэйиигэ дьэгдьийии тэрээһиннэрэ ыытыллыахтара», - диэн бэлиэтээтилэр пресс-сулууспаҕа.

«Өлүөнэ», «Халыма», «Бүлүү» федеральнай суолларга куттал суох буолуутун хааччыйарга хомондьуруопкаҕа КамАЗ массыынатыгар олохсуйбут көһө сылдьар ДПС пуостара айаннаатылар.

Сыл саҕаланыаҕыттан итирик туруктаах суоппардар буруйдарынан 10 суол саахала бэлиэтэннэ, ол түмүгэр биир киһи суорума суолланна, 24 киһи араас көрүҥ эчэйии ыллылар.

Госавтоинспекция бары суолга айаннааччылартан көрдөһөр, өскөтүн эһиги итирик туруктаах суоппар айаннаан иһэрин туоһута буолбут буоллаххытына, тутатына ол туһунан полицияҕа бу нүөмэрдэринэн биллэриҥ: 127, 35-22-22, 47-35-29, 02, улуустарга – полиция дьуһуурунай чаастарын нүөмэрдэринэн.

Тарҕат:

Санааҕын суруй