Киир

Киир

Сарсыҥҥыттан федеральнай сокуоҥҥа 30-тан тахса уларыйыылар киириэхтэрэ. Олортон саамай сүрүннэрин ылан көрүөҕүҥ.

Оҕону үүрүөҥ — ыстыраабы төлүөҥ

Ыам ыйын 1 күнүттэн оптуобустан, трамвайтан эбэтэр троллейбустан сокуоннай сааһын туола илик оҥону собус-соруйан үүрүү иһин административнай эппиэтинэһи сүктэрэн саҕалыахтара. Төрөппүтэ соух айанныыр,  16 сааһын туола илик оҕону уопсастыбаннай тырааныспартан кыйдааһын кыккыарччы бобуллар. Оҕо айан төлөбүрүн эбэтэр чэпчэтииннэн туһанар кыаҕын көрдөрбөтөҕүнэ даҕаны үүрүө суохтааххын. Ити иһин суоппар 5000 солк., маны таһынан 20000-30000 солк. дуоһунастаах киһи ыстырааптаныаҕа. 

Судаарыстыбаннай өҥөнү ылыы судургутуйуо

Госуслуги портал нөҥүө оҥоһуллар өҥөлөр информационнай тиһик нөҥүө эмиэ оҥоһуллар буолуоҕа. Холобур, бу МФЦ информационнай систиэмэтэ уонна министиэристибэлэр, биэдэмэстибэлэр порталлара.

Полиция уонна Росгвардия үлэһиттэрин оҕолоругар - чэпчэтии

ИДьм уонна Росгвардия анал үөрэхтэрин кыһаларыгар бу салааларга үлэлиир төрөппүттэрдээх оҕолор туттарсалларыгар чэпчэтии көрүллүөҕэ. Маннык балаһыанньа бу иннинэ байыаннай сулууспалаахтар оҕолоругар эрэ баара. Инньэ гынан, билигин ИДьМ уонна Росгвардияҕа үлэлиир төрөппүттэрдээх абитуриеннар, төрөппүттэрин туйахтарын хатаралларыгар туттарсыыга эбии баалы ылыахтара. Ол эбэтэр, туттарсалларыгар СКЭлэрин баала тэҥнэспит буоллаҕына, приоритет Росгвардия эбэтэр ИДьМ оҕолоругар бэриллэр.

НПФ моҥкурууттааһына

Судаарыстыбаннайа суох биэнсийэ пуондата (НПФ) моҥкуруукка баран, килийиэннэрин отоойкоҕо олордубат курдук, бу пуондалар моҥкуруукка баралларын эрдэттэн сэрэтэр курдук балаһыанньаны олохтуохтара. 

Хамсык анаалыһа

Ыам ыйын 2 күнүттэн ыла, тас дойдуттан кэлбит Арассыыйа олохтооҕо ПЦР аналыһын хос туттарара ирдэнэр. Онон тас дойдуттан кэлбит киһи 5 хонук иһигэр ПЦР анаалыһы туттарыахтаах. 

Нолуок тутуута

Баай-дуол уонна инвестиция нолуок тутуутун (налоговый вычет) ылыы ыам ыйын 20 күнүттэн биллэ судургутуйуоҕа. Урукку курдук 3НДФЛ эҥин толорон мучумааннаммаккын, билигин нолуок үлэһиттэрэдекларацияны бэйэлэрэ толоруохтара уонна бэрэбиэркэлиэхтэрэ. Онуоха докумуоннары уонна сайаапканы налоговай саайтыгар тус кэбиниэтинэн ыытар буолуохпут. 

Тарҕат:

Санааҕын суруй

Бүтэһик сонуннар