Киир

Киир

Муус устар 25 күнүгэр,Томпо улууһугар "Халыма" федеральнай суол 645 км 4 киһи өлүүлээх суол саахал тахсыбыта. Быһылаан чахчытынан силиэдэбэтэллэр холуобунай дьыаланы көбүппүтэрэ.

Санатар буоллахха, айанньыттары тиэммит "Тойота Хайс" массыынаны 57 саастаах суоппар Уус Ньараттан Дьокуускайга айаннатан иһэн, утары суолга тахсан, "Скания" ыарахан уйуктаах массыынаҕа киирэн биэрээхтээбит. Ол түмүгэр суоппар уонна 3 пассажир сырдык тыыннара быстыбыт, 3 киһи араас эчэйиилэри ылбыттар. Өлбүт суоппар уруулга олорбута 40 сыл буолбут. Бырааһынньыктар иннилэригэр суорума суолламмыттары төрөөбүт буордарыгар букатыннаахтык кистээтилэр. Өлбүт дьон — Өймөкөөн улууһугар бириискэлэри харабыллыыр "Росгвардия" үлэһиттэрэ. Барахсаттар 8 ыйдаах баахталарын кэнниттэн дьиэлэригэр төннөн иһэн суорума суолланнаахтаабыттар. Дьиҥэ, Росгвардия үлэһиттэрин чааһынай таксыынан буолбакка, анал массыынаннан тиэйиэхтээҕэ буолуо, ол эрээри, мэлдьи буоларын да курдук, ол тутуһуллубатах. Түмүгэ - 4 киһи өллө. Эппиэтинэһи ким эмэ сүгүө дуо? Өлбүт суоппарга эрэ соҥнууллар дуу? Силиэстийэ сиэрдээхтик ыытыллан быһаарылларыгар эрэнэбит.

Тарҕат:

Санааҕын суруй