Киир

Киир

 

Дьокуускай куорат Суһал Ыстаабын хомуур бөлөҕө күн ахсын уопсастыбыннай аһылык, атыы-тутуу, үөрэх уонна аралдьытар тэрилтэлэр устун оҥоһуллар эриэйдэлэрин чэрчитинэн ыам ыйын 1 уонна 2 көһөр түүнүгэр 16 култуурунай уонна аралдьытар эбийиэктэр бэрэбиэркэлэннилэр.

Эрийдэлэр түмүктэринэн, Дьокуускай куорат административнай хамыыһыйатынан уонна «Дьокуускайдааҕы» ИДЬМ олохтоох салалтатынан саньытаарнай- хамсыгы утары быраабылалары кэһии аҕыс аралдьытар тэрилтэлэргэ тахсыбытын быһаардылар, үс аах толорулунна.

Суһал ыстаап бөлөҕө «TNT» түүҥҥү кулуубу, «Крыша» эрэстэрээни, «V oblako» паарынан тыынар коктейллар кииннрин, «Number one» эрэстэрээни, «barmeister» «Shishka» «Автогид-сервис» авто мастарыскыайы, «barDREAM» , баары бэрэбиэркэлээтэ. саньытаарнай- хамсыгы утары быраабылалары кэһии «Новый Пекин» култуурунай-сынньалаҥ киинигэр, «Шахрисабиз» түүҥҥү кулуупка, «Контакт» баарга, “Panem” эрэстэрээҥҥэ, «Piver nall» банкеттыыр саалаҕа, “Qeen” караоке-баарга, «На рогах» паабка, «Евразия» култуурунай-сынньанар кииҥҥэ тахсыбыттара быһаарылынна.

Дьокуускайдааҕы хамсык тарҕанарын утары үлэлэһэр суһал ыстаап бары атыы-тутуу, ас-үөл, өҥө оҥоруутун уонна аралдьытар тэрилтэлэр салайааччыларыгар санатар маасканы кэтии эрэсиимин тутуһалларыгар, үлэһиттэртэн, килийиэннэртэн уонна атыылаһааччылартан булгуччу бу ирдэбили толорулларыгар.

Атыылаһааччылары уонна килийиэннэри көмүскүүр мааската суох тэрилтэҕэ киллэрэр кыккыраччы бобуллар. Эбийиэктэри бас билээччилэр уонна администратордар дьон маассабай мустуутун таһаарыа суохтаахтар, атыылаһааччы атыы саалатыгар киириитин, биир киһи 4 кв.м. атыылыыр болуоссакка киириитин эрэ көҥүллүөхтээхтэр.

Саха сирин аҕа баһылыга 2020 сыл муус устар 27 күнүгэр таһаарбыт 1143 №-дээх уурааҕар - муҥутуур бэлэм буолуу эрэсиимин кэмигэр киллэриллибит туох баар ирдэбиллэри тутуһуу уонна кытаанах хааччахтыыр миэрэлэри эрэ киллэрии хамсык салгыы тарҕанарын тохтотуон сөп.

Ыам ыйын 2 күнүгэр Саха сиригэр хамсыгынан ыалдьыы 98 түбэлтэтэ быһаарылынна, ол иһиттэн 55 түбэлтэ Дьокуускай куоракка тиксэр. Ол туһунан иһитиннэрэр өрөспүүбүлүкэ суһал ыстааба.

Убаастабыллаах куорат олохтоохторо! Өскөтүн эһиги уопсастыбыннай тырааныспарга эбэтэр маҕаһыыннарга, онтон да атын дьон элбэхтик сылдьар сиригэр мааскалаах сылдьыы эрэсиимин куруубайдык кэһии туоһута буолбут буоллаххытына, Уокуруктааҕы администрация биир кэлим төлөппүөннэй нүөмэригэр эрийиҥ: 31-90-90.

Бэйэҕитин уонна чугас дьоҥҥутун харыстаныҥ, уопсастыбыннай сирдэргэ мааскалаах сылдьаргытын умнумаҥ!

Дьокуускай куораттааҕы дьаһалта уопсастыбыннаһы уонна көрдөрөр-иһитиннэрэр эйгэни кытары ситимнэһэр департамент.

Тарҕат:

Санааҕын суруй