Киир

Киир

Чурапчытааҕы физкултуура уонна уосупорт институтун устудьуоннара Вилюян Иванов уонна Иван Сергеев Чурапчы сэлиэнньэтин Мурун Тымпыйа түөлбэтин олохтооҕо Лена Ивановна Поповаҕа аһымал көмөнү оҥордулар.

"Маннык үтүө санаалаах ыччаттардаахпыт туһунан махтанан туран эһиэхэ кэпсиэпин баҕарабын. Киэһэ хойут Дьокуускайтан тоҥ дьиэбитин оттоору мас бэлэмээн ииспиппит. Ол сырыттапхпытына аттыбытынан икки уол ааһан испиттэрэ уонна туох да этитиитэ суох көмөлөһүөхтэрин баҕаралларын туһунан эппиттэрэ. Соһуйан эрэ хаалбытым", - диир дьиэлээх хаһаайка. Уолаттар онно тута мас хайытан, кыыстаан биэрбиттэр. Уолаттар араспаанньаларын эҥин эппэтхтэр. Үтүө санаалаах уолаттары Лена Ивановна ирдэһэн, туоһулаһан билбит. Үөһээ Бүлүүтээҕи ДЮСШ иитиллээччилэрэ, өрөспүүбүлүкэҕэ хапсаҕайга чөмпүйүөннэр, билигин Чурапчытааҕы институт иккис кууруһун устудьуоннара Вилюян Иванов уонна Ваня Сергеев буолаллара биллибит. Лена Ивановна "Маннык үтүө санаалаах, туруу үлэһит уолаттары иитэн таһаарбыт төрөппүттэригэр махталбын биллэрэбин. Дьэ, дьиҥнээх саха эр бэртэрэ тахсан иһэллэриттэн күлүкпэр имнэнним. Уолаттар олохторугар дьол-соргу эрэ тосхойдун, кинилэргэ ийэлии эйэҕэс махталбын биллэрэбин", - диир Лена Ивановна.

 

Тарҕат:

Санааҕын суруй