Куорат оскуолаларыттан биирдэстэриттэн бэрэстэбиитэллэр кэлэн полиция отделыгар сайабылыанньа суруйбуттар, кинилэргэ үөрэнэр 13 саастаах кыыс оҕо сураҕа суох сүппүтүн туһунан, диэн иһитиннэрэр Саха сиринээҕи ИДЬМ пресс-сулууспата.
Сотору кэминэн биллибитинэн, кыыс бэйэтин дьүөгэтигэр Хаҥалас улууһун Мохсоҕоллоох бөһүөлэгэр айаннаабытын быһаарбыттар.
«Оҕо дьиэтигэр нэдиэлэ тухары дьиэтигэр хоммотох. Ол тухары аҕата аймамматах, полицияҕа кэлэ сылдьыбатах», - диэн бэлиэтэнэр иһитиннэриигэ.
Дьокуускайга кыыһы саастарын ситэ илик оҕолор дьыалаларынан дьарыктанар иниспиэктэр аҕалбыт, полиция үлэһитэ Мохсоҕоллооххо кылаас салайааччыта түрүбүөгэ тардан тахсыбыт.