Арассыыйа генеральнай борокоротууратын туруорсан.
Бокуруоскай куорат олохтооҕо Арассыыйа Федерациятын генеральнай борокуруорун солбуйааччытыгар Дмитрий Демешиҥҥэ тус бэйэтигэр туруорсан, олохтоох дьаһалта кини сайабылыанньатын уһата-кэҥэтэ сылдьарын туһунан үҥүстэ, диэн иһитиннэрэр Саха сирин борокуратууратын пресс-сулууспата.
Бэлиэтэммитинэн, Бокуруоскай куорат олохтооҕо, олохтоох дьаһалтаҕа сир учаастагын ыларга сайабылыанньа суруйбут.
«Олохтоох дьаһалта уоргана кэмигэр туох да миэрэ ылбатах. Гражданин сайабылыанньата өр кэмҥэ хардата суох сыппыт», - диэн этиллэр иһитиннэриигэ.
Демешиҥҥэ үҥсүү кэнниттэн, Хаҥалас улууһун борокоротуурата - Хаҥалас улууһун баһылыгар туруорсуутун түмүгэр гражданиҥҥа хаһаайыстыба тутарыгар сир учаастага бэрилиннэ.
«Гражданин сокуоннай көрдөһүүтүгэр уһатыы-кэҥэтии таһаарбыт чыыннаах үлэһит дьиссипилинээринэй эппиэтинэскэ тардылынна», - диэн бэлиэтэнэр иһитиннэриигэ