Киир

Киир

 

Өрөспүүбүлүкэ бырабыытылыстыбатын бэрэссэдээтэлин солбуйааччы Ольга Балабкина Мэҥэ-Хаҥалас улууһугар хамсык ыарыыта өрө турбутунан сибээстээн, суһал мунньах ыытта, диэн иһитиннэрэр «Балабкина Brief» телеграм-ханаал. Кини сүрүн болҕомтотун улууска хамсыгынан ыалдьыы уустугурбутугар уурда, бүтэһик сууккаҕа Мэҥэ-Хаҥаласка хамсыгынан ыалдьыы 13 саҥа түбэлтэтэ тахсыбыт.

«Төһө да муус устар 13 күнүгэр, суһал ыстаабынан улуус иһигэр суһал хааччахтыыр миэрэлэр ылыллыбыттарын иһин, ыарыыга сыстыы ахсаана күннэтэ үрдүү турар», - диэн эттэ вице-премьер.

Мунньах кыттааччылара бэлиэтииллэринэн, ыарыы көҕүрээбэт биричиинэтэ – нэһилиэнньэ сэрэҕин сүтэриитэ, мааска кэппэт буолуу, улуустар икки ардыларыгар кэлии-барыы, миграция сабыдыала.

«Мэҥэ-Хаҥалас сиригэр-уотугар балаһыанньа көнүөр диэри нэһилиэнньэлээх пууннартан тахсыы, маассабай бырааһынньыктары, ол иһигэр дьиэ кэргэнинэн мустан бэлиэ күнү ылыы барыта бобулунна», - диэн сурулунна иһитиннэриигэ.

Ону таһынан, эбии сэрэнии миэрэлэрэ сааскы аармыйаҕа ыҥырыы кэмигэр уонна оскуолаҕа судаарыстыбыннай аттестация кэмигэр ылыллыахтара.

Тарҕат:

Санааҕын суруй