Хамсык туруга бэрдэ суох. Ааспыт сууккаҕа өрөспүүбүлүкэҕэ эбии 112 киһи ыарыйда. Бу туһунан хоруона хамсыгын бохсор суһал ыстаап иһитиннэрэр.
Дьокуускайга 62 киһи ыалдьыбыт, Мэҥэ Хаҥаласка — 17. Амма улууһугар эбии 10 киһи хаптарбыт. Бүлүүгэ, Нерюнгрига, Уус Алдаҥҥа — түөртүү киһи ыалдьыбыт, Чурапчыга — 3, Кэбээйигэ, Намҥа, Хаҥаласка — иккилии киһи ыалдьыбыттар. Биирдии ыарыһаҕы Горнайга уонна Орто Халыма улуутарыгар бигэргэппиттэр. Ааспыт сууккаҕа өрөспүүбүлүкэ лабораториялара 658 коронавирус анаалыһын оҥорбуттар, уопсайа хамсык саҕаланыаҕыттан 1 мөл. 70 тыһ. 92 тест оҥоһуллубут.
