Киир

Киир

 

Бүгүҥҥүттэн, ыам ыйын 11 күнүттэн, даачаҕа тиэйэр оптуобустар сайыҥҥы үлэ эрэсиимигэр көһөллөр.

Дьон социальнай арыты тутуһалларын туһуттан, куорат уокуруга ыксаллаах быһыыны-майгыны сэрэтэр уонна туоратар хамыыһыйаны кытта тэҥҥэ, куорат уонна куорат таһынааҕы оптуобустар маршруттарын элбэтэр туһунан быһаарыы ылынна. Чуолаан кылабыыһалар тастарынан ааһар оптуобус маршруттарыгар ордук болҕомто уурдалар, диэн иһитиннэрэр уокуруктааҕы дьаһалта пресс-сулууспата.

МУП «ЯПАК» салайааччыта Валерий Домотов иһитиннэрэринэн, билиҥҥи кэм туругунан куорат таһынааҕы лиинийэҕэ 27 маршрут үлэлиир, бары күннэтэ дезинфекция ааһаллар.

«Төрөппүт күнүгэр анаан алта оптуобус бэлэмнэннэ. Пассажирдар социальнай арыт тутуһалларын туһугар туспа үлэ бара турар. 119 маршруттаах оптуобус маршрута быһаарылынна Автовокзал – Маҕан кылабыыһата – Автовокзал. Ону таһынан бэлиэтиэхпин баҕарабын, ыам ыйые 11 күнүттэн оптуобустар сайыҥҥы үлэ эрэсиимигэр көһөллөр. Ыам ыйын 10 күнүгэр диэри оптуобустар хааччахтаммыт кыраапыгынан сырыппыттара», - диэн бэлиэтээтэ Валерий Домотов.

Куорат баһылыга оптуобустар толорууларын хонтуруоллуурга дьаһайда уонна кыраапыктара чаастатык сылдьарыгар туруоруста.

Тарҕат:

Санааҕын суруй