Киир

Киир

Хаҥалас улууһугар 9-с уонна 11-с кылаастартан ураты  бары кылаастар  үөрэх дьыла бүтүөр дылы эмиэ ыраахтан олорон үөрэниигэ көстүлэр. Маннык быһаарыыны Хаҥаластааҕы хоруона хамсыгын бохсор суһал ыстаап хасык туруга ыараабытынан уонна Дьокуускайтан чугас сытарынан ылыммыт. Бу туһунан улуус дьаһалтатын пресс-сулууспата иһитиннэрэр.
 

Тумул, Сиинэ, Үөдэй, Кытыл Дьураа, Иһит уонна Чкалов курдук ыраах сытар нэһилиэк үөрэнээччилэрэ эрэ олоҕурбут ньыманнан, оскуолаҕа кэлэн үөрэниэхтэрэ. Маны таһынан үөрэнээччилэр улуус иһигэр, өрөспүүбүлүкэҕэ, Арассыыайҕа, норуоттар икки ардыларынааҕы араас күрэхтэргэ бараллара бобуллубут. 9-с уонна 11-с кылаастар Роспотребнадзор ыйыытын толору туһанан туран үөрэниэхтэрэ. Консултациялар уонна эксээмэҥҥэ бэлэмнэнии барыта бөлөҕүнэн хайдыһан очнайдык ыытыллыаҕа. Уус-уран айымньы отчуоттуур кэнсиэрдэрэ, успуорт күрэхтэрэ, выпускниктар биэчэрдэрэ барыта онлайн ыытыллыахтара. "Банкет, тиһэх чуораан олоххо биирдэ буоларын билэбит, ол эрээри оҕо доруобуйатынан оонньооботох ордук, маннык миэрэлэр ыарыы тарҕамматын туһуттан ылыныллаллар", - диэн улуус баһылыга Олег Иринеев эппит.

 

 

Тарҕат:

Санааҕын суруй