Киир

Киир

 

Туох баар Саха сирин олохтоохторун ыам ыйын 18 күнүгэр, Эстрада тыйаатырыгар «Хамсыгы утары быһыыны ылыы түүнэ» аахсыйаҕа ыҥыраллар, диэн иһитиннэрэр Дьокуускай куораттааҕы 3 №-дээх балыыһа пресс-сулууспата.

Дьокуускай куоракка Эстрада тыйаатырыгар, проспект Ленина 47 аадырыска хамсыгы утары быһыы ыларга эбии пуун аһыланна. Ыам ыйын 18-19 түүнүгэр бары баҕалаахтары киэһэ 21 чаастан сарсыарда 7 чааска диэри кэтэһэллэр.

«Бүгүн биһиги тэрээһин боппуруостарынан дьарыктана сылдьабыт уонна мэдиссиинэ пуунун арыйарга анал сэп-сэбиргэл киллэрэбит, ол барыта ураты ирдэбиллэри тутуһуллан таҥыллыахтаах» - диэн сэһэргээтэ балыыһа сүрүн бырааһа Светлана Давыдова.

Итиэннэ, аахсыйа ыам ыйын 21-22 күннэригэр салҕаныаҕа, бээтинсэттэн суббуотаҕа көһөр түүнүгэр, уонна ыам ыйын 22-23 күннэригэр суббуотаттан баскыһыанньаҕа көһөр түүҥҥэ. Быһыыны ыларга бэйэҕитин кытары пааспаргытын, ОМС полиһын уонна СНИЛС илдьэ кэлэргитин умнумаҥ. Пуун проспект Ленина 47 аадырыска олохтонно, урукку «Европа» кулууп дьиэтигэр.

Быһыыны ылыы буор-босхо буолар. “Спутник V( “ГАМ-КОВИД-ВАк” )” уонна “Эпи ВАкКорона” Арассыыйаҕа оҥоһуллубут вакциналары (ханныгы ыларгытын талларан) туһанан оҥоһуллуохтара. Быһыы ылыах иннинэ эрдэттэн быраас көрөр.

Тарҕат:

Санааҕын суруй