Киир

Киир

 

Ыам ыйын 19 күнүгэр Саха сирин сүрүн саньытаарынай бырааһын уурааҕа таҕыста, диэн күн ахсын тахсар брифинигэр биллэрдэ өрөспүүбүлүкэтээҕи суһал ыстаап салайааччытын солбуйааччыта Ольга Балабкина.

Уураах биир пуунугар чопчу ыйылларынан, бары тэрилтэлэр үлэһиттэрэ хамсыгы утары быһыыны ылалларын тэрийсиэхтээхтэр.

«Бүгүҥҥү күн туругунан өрөспүүбүлүкэ син балачча элбэх хамсыгы утары быһыыны биэрэр көһө сылдьар уонна стационарнай пууннар арылыннылар», - диэн бэлиэтээтэ Балабкина уонна сүрүн саньытаарынай быраас уурааҕа өрөспүүбүлүкэ үрдүнэн булгуччу толоруллуохтаах диэн тоһоҕолоон туран бэлиэтээтэ.

«Уураах ис хоһооно бары тэрилтэлэр салайааччыларыгар тиэрдилиннэ, итиэннэ толорбот түгэннэригэр кытаанах эппиэтинэс сүктэрилиннэ», - диэн чопчулаан эттэ суһал ыстаап салайааччытын солбуйааччыта.

Санатар эбит буоллахха, судаарыстыбыннай уонна олохтоох уорганнар үлэһиттэрин 50 % -ннара ыраахтан олорон үлэлиир көрүҥҥэ көспүттэрэ, бастатан туран: хат дьахталлар уонна олохсуйбут ыарыылах, 65 саастарыттан үөһэ саастаах дьон. Ыалдьыбыт дьон ахсаан муус устар ортотуттан улаатан барбыта. Өрөспүүбүлүкэ аҕа баһылыгын быһаарыытынан хамсыгы утары охсуһуу миэлэрэлэрэ кытааттылар.

Тарҕат:

Сэҥээриилэр

Мария Михайловна
0 Мария Михайловна 20.05.2021 16:50
Онтон медотводтаахтар хайдах буолаллар? То5о быьааран суруйбаттар?
Ответить

Санааҕын суруй