Киир

Киир

 

Ороһу – Нэгэдьээк ньүөлсүтэр систиэмэтин төрүттээбит салайааччыларынан «Булганин» холкуос бэрэссэдээтэлэ, Саха Өрөспүүбүлүкэтин норуотун хаһаайыстыбатын үтүөлээх үлэһитэ, Үлэ Кыһыл Знамята уордьан кавалера Василий Поликарпович Егоров, Исидор Бараахап аатынан холкуос бэрэссэдээтэлэ, Саха Өрөспүүбүлүкэтин миниистирдэрин сэбиэтин бэрэссэдээтэлин бастакы солбуйааччытынан үлэлээбит Степан Николаевич Платонов уонна норуоттан тахсыбыт мындыр өйдөөх рационилизатор Мөхсөөрөп Алексей Васильевич буолаллар.

           Кэнники кэмнэргэ мелиорация систиэмэтэ Арассыыйа үрдүнэн бара турар оптимизацияҕа хабыллан, араас уларыйыылары көрсөн, олохтонуоҕуттан илдьэ кэлбит үлэтин ситимэ, хайысхата уларыйан, кыччыы турар. Штаты сарбыйыы түмүгэр барар үлэлэр специализациялара уларыйар кутталланна. Бу маннык кыччатыы туһаны, көдьүүһү аҕалбатын уонна ууну киллэрии, хаайыы, ууттан босхолооһун, тутуу үлэлэрин ким баҕар кыттарын курдук тендер ыыттахха, мелиорация туһунан төрүкү өйдөбүлэ суох тэрилтэлэр кыайар түбэлтэлэригэр, ньүөлсүтэр системалар үлэлэригэр охсуулаах буолуоҕун этэн туран, бу боппуруоһу үөрэтэн көрөрүгэр Өрөспүүбүлүкэ Ил Дарханыгар Айсен Сергеевич Николаевка сурук суруйбутум, Тыа Хаһаайыстыбатын министиэристибэтигэр дьаһал биэрэн бу боппуруоһу көрөллөрүгэр. Салгыы суругум Аҕа баһылык уонна бырабыытылыстыба дьаһалтатыгар тиксибитэ бу кыһалҕаны быһааралларыгар. Сурукпун ааҕан, үөрэтэн, чинчийэн бараннар, Тыа хаһаайыстыбатын миниистирин солбуйааччы Н.С. Афанасьев аатыттан харда сурук кэллэ.

           Харда сурукка Саха сирин тыатын хаһаайыстыбатын сайдарын туһугар уонна «Сири мелиорациялааһын уонна тыа хаһаайыстыбатын уунан хааччыйыы управленията» тэрилтэ сарсыҥҥыга бигэ эрэллээх буоларын туһугар туруулаһарбар барҕа махталларын тиэртилэр уонна Саха Өрөспүүбүлүкэтин Ил Дархана Айсен Сергеевич Николаев мин этэр этиилэрбэр толору сөпсөһөрүн биллэрдилэр.

Степан Дмитриев

Балаҕаннаах нэһилиэгин баһылыга, Саха Өрөспүүбүлүкэтин норуотун хаһаайыстыбатын үтүөлээх үлэһитэ, Үөһээ Бүлүү улууһун 1995 - 2011 сс. тыа хаһаайыстыбатын управлениетын салайааччыта.

Тарҕат:

Санааҕын суруй