Киир

Киир

Саха тылын, төрүт култуура, эбии үөрэхтээһин учууталларыгар

ыытыллар I өрөспүүбүлүкэтээҕи куонкуруска кыттааччылар болҕомтолоругар!

Үлэлэргитин бэс ыйын 30 күнүгэр диэри ыытаҕыт.

Күрэс бэрээдэгэ:

e9e6594f 7822 4f95 bb0c d48592a51597

1.Бэйэни билиһиннэрии: видео-устуу 3 мүн. уһаабат;

2.Маастар-кылаас – учуутал тус бэйэтин бырайыагын кэпсээн, “маастар-кылаас” уһулан ыытар. Уһуна – 15 мүн. (бырайыак суругунан быһаарыытын сыылканы кытта ыытаргыт ирдэнэр);

3. Тыл этии: саха тылын үөрэтии дьоһун суолталааҕын арыйан, видео-устуу – 3 мүн (маны wordse-тиэксин суруйан сыылканы кытта эмиэ ыытаҕыт).

Үлэлэргитин ютубка, видеоҕа ирдэбил быһыытынан устан, толорон баран, сыылкаҕытын электроннай почтаҕа: sakha_Этот адрес электронной почты защищён от спам-ботов. У вас должен быть включен JavaScript для просмотра. “Кыым.куонкурус” диэн бэлиэтээн ыытаҕыт.

Сурукка ааккытын-суолгутун, аадырыскытын, төлөпүөҥҥүтүн, оскуолаҕытын, учуутал быһыытынан туох баар дааннайгытын суруйан ыытаргыт ирдэнэр.

Куонкуруска кыттарга биир сүрүн усулуобуйа -- сахалыы бэчээти өйөөн, кыттааччылар “Кыым” хаһыакка суруппут квитанцияҕыт куопуйата. (хаартыскаҕа түһэрэн, сыылкаҕытын кытта ыытыаххытын сөп).

Түмүгү таһаарыы: 20.07.2021 с.

Санатабыт: бэс ыйын 7 күнүттэн бэс ыйын 17 күнүгэр дылы “Кыым” 2021 сыл иккис аҥаарыгар чэпчэтиилээх сурутуу ыытыллар. Күрэххэ кыттааччылар ити түгэни мүччү тутумаҥ!

Тэрийэр кэмитиэт аадырыһа: Дьокуускай к., Киров уул, 18, В блок, 709 офис, “Ситим” медиа-бөлөх, “Кыым” хаһыат эрэдээксийэтэ.

Ыйытыылаах буоллаххытына, 42-21-08, 8965-994-10-03 төлөпүөннэргэ эрийэн билсиҥ.

 

Тэрийэр кэмитиэт

 

Тарҕат:

Санааҕын суруй