Саха сиригэр өҥө оҥоһуутун эйгэтигэр куттала суох буолуу ирдэбилин тутуспат буолуу түмүгэр быһылаан тахсыбытыгар, холуобунай дьыала көбүтүлүннэ, диэн иһитиннэрэр Илиҥҥи-Сибиирдээҕи тырааныспар силиэстийэлиир салалататыттан.
Санатар эбит буоллахха, сарсыарда бэс ыйын 4 күнүгэр Өлүөнэ өрүскэ «Волжанка-87» мотуордаах тыы, Аллараа-Бэстээх – Дьокуускай хайысханан пассажирдардаах айаннаан иһэн паромнуун кэтилиннэ. Быһылаан түмүгэр мотуордаах тыы 3 пассажира эчэйдэ.
«Быһылаан буруйдааҕа бигэргэтилиннэ. Кини 53-саастаах олохтоох киһи. Кини кыра уйуктаах устар аалы итирик туруктаах салайа сылдьыбыта биллибит», - диэн этиллэр иһитиннэриигэ.
Холуобунай дьыала силиэстийэтэ салҕанар. Силиэдэбэтэллэр «Волжанка-87» пассажирдарын туоһу быһыытынан, Илиҥҥи-Сибиирдээҕи тырааныспар Дьокуускайдааҕы силиэстийэлиир салаатыгар эрийэргитигэр көрдөһөллөр: 8(4112) 21-63-45 нүөмэргэ.
