Киир

Киир

 Ленскэй куоратыгар 1 №-дээх көннөрөр кииҥҥэ,  буруйдааһыннарыннарын күһэлэҥ үлэнэн боруостуу сылдьар сууттаммыт дьоҥҥо анаан хамсыгы утары бастакы быһыы оҥордулар.

УФСИН тэрилтэлэригэр хамсыгы утары быһыыны оҥоруу салҕанан бара турар, бу тэрээһин чэрчитинэн күһэлэҥ үлэҕэ сууттаммыт дьон быһыы бастакы түһүмэҕин аастылар.

Быһыыны биэрии Ленскэйдээҕи киин оройуоннааҕы балыыһа айаннаан тахсыбыт эмчиттэрин биригээдэлэринэн оҥоһулунна,  1 №-дээх көннөрөр кииҥҥэ  анаан-минээн оҥоһуллубут мобильнай пууҥҥа.

Вакцина ылыахтарын иннинэ сууттаммыт дьон булгуччулаах мэдьиссиинэ чинчийиитин аастылар.

Бэлиэтээн эттэххэ, быһыыны киһи бэйэтин баҕа өртүнэн ылар. Уопсайа бу күн вакцинацияны 44 киһи ылыан баҕалааҕын биллэрбит. Бу көннөрөр кииҥҥэ баар сууттаммыт дьон уопсай ахсааныттан 46,3 %.

Көннөрөр киин үлэһиттэрэ мэдьиссинэ үлэһиттэрин кытта биир тэҥҥэ, сууттаммыт дьон ортолоругар быһыы ылар наадалааҕын туһунан сырдатар үлэни салҕыы ыыталлар
Тарҕат:

Санааҕын суруй