Киир

Киир

Талааһынынан уонна уорааһынынан дьарыктанан олорбут үс Дьокуускай олохтоохторугар, бириигэбэр таһаардылар, диэн иһитиннэрэр өрөспүүбүлүкэ борокоротууратын пресс-сулууспата.

Суукка бигэргэтиллибитинэн, эмсэҕэлээччи атын холуобунай дьыалаҕа кинилэртэн биирдэстэрин утары көрдөрүү биэрбит. Онуоха, кинилэр киксэн, эмсэҕэлээччини куттаан, саанан туран 125 тыһыынча көрдөөбүттэр.

«Тус олоҕун, доруобуйатын туһугар куттанан, эмсэҕэлээччи кинилэргэ 10 тыһыынча солкуобай тиксэрбит уонна кэлин тиһэҕэр полиция уорганнарыгар сайабылыанньа суруйбут», - диэн этиллэр иһитиннэриигэ.

Ону таһынан, сууттанааччылартан биирдэстэрэ куорат олохтоохторун гараастарын алдьатан малларын-салларын уоруунан дьарыктанар эбит. Уопсайа барыта кини уорбут хорумньута – 200 тыһыынча солкуобайтан тахсыбыт. Оттон иккис сууттанааччы массыына өрөмүөннүүр мастарыскыайтан тэлэбииһэр уорбута биллибит.

Бэлитэтэммитинэн, сууттанааччылар күүс өртүнэн ыххайан харчы көрдөөбүт буруйдарын адьас билиммэтэхтэр. Ол эрээри суукка кинилэр буруйдарын дакаастыыр бигэ дакаастабыллар киирэннэр, онно олоҕуран буруйдуур бириигэбэр таҕыста.

Биир буруйданааччы – үс сылга, атыттар – түөртүү сылларга көҥүллэрэ быһылынна, уопсай эрэсиимнээх көннөрөр холуонньаҕа буруйдарын боруостуурга. Бириигэбэр сокуоннай күүһүгэр киирэ илик.

Тарҕат:

Санааҕын суруй