Киир

Киир

Дойдуга бэс ыйын 1 күнүттэн атырдьах ыйын 30 күнүгэр дылы аан бастакытын тыа хаһаайыстыбатын микробиэрэпиһэ ыытыллар. Бу туһунан Сахастат иһитиннэрэр.

Микробиэрэпискэ тыа хаһаайыстыбатын бородууксуйатын бэлэмниир, сир учаастактаах уонна тыа хаһаайыстыбатын кыылын иитэр бары физическэй уонна юридическэй сирэйдэр кытталлар. Тыа хаһаайыстыбатын тэрилтэлэрин, бааһынай хаһаайыстыбаларын уонна ИЛлар, кэммиэрчискэйэ суох табаарыстыбалар тустарынан сибидиэнньэни кэлимсэтик кэтээн көрөн муһуохтара. Оттон кэтэх хаһаайыстыбалаах дьону уонна ИПлары тыа сиригэр биирдиилээн талан биэрэпистиэхтэрэ. Микробиэрэпис сүрүн уратытынан ыйыталаһар дьонтон саҥа аныгы технологиялары туһаныы буолуоҕа. Ол курдук, ыйытык кэмигэр планшеттары туһаныахтара, ол үлэни быдан судургутутуоҕа. Маннык биэрэпис тыа хаһаайыстыбатыгар туох-ханнык уларыйыы барбытын көрдөрүөҕэ, ол кэнэҕэһин былааны, сылыктааһыны оҥорорго төһүү буолуоҕа. Микробиэрэпис сүрүн түмүктэрин быйыл 4-с кыбаарталга таһаарыахтара, оттон уопсай түмүк – 2022 сыл 4-с кыбаарталыгар.

Тарҕат:

Санааҕын суруй

Бүтэһик сонуннар