Киир

Киир

Былырыын 2020 сыл муус устар ыйыгар Мииринэй Сүлдьүкээригэр балтараа сүүс саха ынаҕын Намтан, Горнайтан, Амматтан, Үөһээ-Бүлүүттэн массыыналарга тиэйэн аҕалбыттара. Сай устата, ыраах сиртэн кэлбит сүөһүлэр Тоҕойоҕо, Көлүйэлээххэ кытыл отугар сылдьыбыттара.

Кыстыгы ынахтар саҥа хотоҥҥо көрсүбүттэрэ. Хотон ичигэс, көрүү-истии үчүгэй буолан этэҥҥэ кыстаатылар. Бу хаһаайыстаба управляющайынан Кирилл Алексеев буолар.

«Саха ынаҕа» судаарыстыба-хааһына тэрилтэтин самалыга күөх сайыны санаалара бөҕөхтүк көрсөр.

Управляющай Кирилл Алексеев миэхэ биллэрбитинэн, саха боруодатын сүөһүлэрэ билигин бөһүөлэктэн үс көстөөх Ходуһа үрэххэ бааллар. Күөххэ, киэҥ дуолга тахсаннар, барахсаттар абыраннылар.Үрэх сир отун да кимиричии сииллэр. Сирбэттэр-талбаттар.

IMG 20210614 WA0036

Соторутааҕыта Сүлдьүкээргэ «Якутский скот» судаарыстыба-хааһына тэрилтэтин дириэктирэ Александр Артемьев кэлэ сырытта, үлэни-хамнаһы торумнаатылар, саҥа соруктар туруорулуннулар.

Бастакы кыстык этэҥҥэ ааспытынан уонна хаһаайыстыба атаҕар турарын туһугар туһулаан пиэрмэ аттыгар сэргэ туруорулунна.

IMG 20210614 WA0000

Сэргэни сэлиэнньэ олохтооҕо Уйбаан Павлов оҥордо. Оттон сэргэни туруоруу туомугар Уйбаан Неустроев Үрдүкү Айыылартан көрдөһөн-ааттаһан алгыс тылларын эттэ.

IMG 20210614 WA0050

IMG 20210614 WA0030

Даҕатан эттэххэ, сүлдьүкээрдэр күтүөттэрэ – Амматтан төрүттээх Уйбаан Неустроев “Саха ынаҕа” диэн ырыа ааптарынан буолар. Ити курдук сүрдээх сэргэх тэрээһин буолла.Мустубут дьон Сүлдьүкээргэ саха боруодатын ынаҕын аҕалан, олохтоохторго үлэ миэстэлэрин үгүөрүтүк тэрийбиттэригэр астыммыттарын биллэрдилэр.

Хаһаайыстыба тэриллибитин түмүгэр, Сүлдьүкээр сэлиэнньэтиттэн 23 киһи үлэ миэстэлэринэн хааччылыннылар.

Санаан көрдөххө, бу – сүрдээх хайҕабыллаах дьыала.

Станислав Алексеев. Мииринэй куората.

Тарҕат:

Санааҕын суруй

Бүтэһик сонуннар