Бүгүҥҥү брифинг кэмигэр доруобуйа харыстабылын миниистирэ Елена Борисова, билигин барыы-кэлии элбээбитинэн, бэйэҕитин уонна чугас дьоҥҥутун бу кутталлаах ыарыыттан харыстанарга вакцинаны ыларгыт наадалааҕын өссө биирдэ тоһоҕолоон эттэ.
Б;г;ҥҥ; туругунан Саха сиригэр 208109 доза быһыы кэлбит, онтон 90 бырыһыанын туһаммыттар. Бастакы быһыыны 187918 киһи ылбыт, олортон 60 саастарын ааспыттар — 42 тыһыынча, иккис быһыыны — 144641 киһи ылбыт, олортон 60нарын ааспыттар — 34635. Бүгүн эбии 3300 "Спутник" дозата кэлиэхтээх, аныгыскы нэдиэлэҕэ "ЭпиВакКорона" кэлиэҕэ. Ону бары улуустарга тарҕатыахтара. Миниистир дьарҕаа ыарыылаахтар ылаллара наадатын эттэ, соторутааҕыта Арассыыйа сүрүннүүр эндокринолога сахарнай диабеттаах дьон ыарыыга ордук ылларымтыаларын, онон вакцинаны ылаллара наадатын тоһоҕолоон эппитин санатта. Түмүккэ Елена Борисова медиктэри бүгүҥҥү бырааһынньыктарынан эҕэрдэлээтэ.
