Киир

Киир

2021 сыл, ыам ыйын 28 күнүгэр Дьокуускай куораттааҕы суут сокуоннайа суох сымыйа арыгыны тиэрдээччилэри үс сыл усулуобунай болдьоххо көҥүллэрин быһарга болдьохтоото, хас биирдиилэрэ 100 уонна 400 тыһыынча солкуобайга ыстарааптаннылар, диэн иһитиннэрэр Саха сиринээҕи УФСБ пресс-сулууспата.

Арассыыйатааҕы УФСБ Саха сиринээҕи салаатын үлэһиттэринэн, оперативнай-ирдиир үлэлэрин кэмигэр, иһитиннэрии киирбит, азербайджанскай түөкүн бөлөҕүн чилиэттэрэ Дьокуускай куоракка бөдөҥ баартыйа мааркаламматах арыгы бородууксуйатын аҕалаары сылдьалларын туһунан. Дьокуускайга ситэ-хото аһыы утаҕы батаран бараннар, түөкүттэр өссө 40 тыһыынча бытыылканы өрөспүүбүлүкэ хоту улуустарыгар ыытарга былааннана сылдьыбыттара биллибит.

Ылыллыбыт сибиэдэннийэлэр бигэргэтиллибиттэр: Саха сиригэр тимир суолунан испиир бородууксуйалаах кэнтиэйинэр айаннаан кэлбит. Оперативнай тэрээһин түмүгэр 8000 мааркаламматах буокка бытыылката былдьаммыт. Ыытыллыбыт чинчийии чахчы сымыйа бородууксуйа буоларын бигэргэппит.

Холуобунай дьыала «Якутское» ИДЬМ силиэстийэлиир салалтатынан көрүлүннэ. Суут бириигэбэрэ сокуоннай күүһүгэр киирдэ.

 

Тарҕат:

Санааҕын суруй