Киир

Киир

Саха сирин балыыһаларыгар хамсыгынан ыалдьыбыт 70 ыарыһах реанимацияҕа киирдилэр, кинилэртэн – 17 киһи ИВЛ аппаратыгар холбонно.

Кинилэр ортолоругар биир да хамсыгы утары быһыы ылбыт киһи суох. Хамсыгынан ыараханнык ыалдьыбыт хат дьахталлар ахсааннара күн-түүн элбии турар. Дьоҥҥо-сэргэҕэ Саха сирин салалтата хамсыгы утары быһыыны ылалларыгар сүбэлиир. Оччоҕуна эрэ сыстыганнаах ыарыы тарҕанарын тохтотуохха сөп.

Саха сирин суһал ыстаабын салайааччата Ольга Балабкина телеграм-ханаала биллэрэринэн, өрөспүүбүлүкэ туох баар поликлиникаларыгар хамсыгы утары быһыы биэрэр пууннар арылыннылар.

Нэдиэлэ устата Горнай улууһугар хамсыгынан ыалдьыбыт дьон ахсаана элбээтэ, ол иһигэр ыарахан туруктаах үгүс. Тымныйыы бастакы сибикилэрэ билиннилэр да тута мэдьиссиинэ тэрилтэлэригэр көрдөрүҥ диэн санаталлар өрөспүүбүлүкэтээҕи суһал ыстаапка.

Тарҕат:

Санааҕын суруй

Бүтэһик сонуннар