Киир

Киир

"Полярные авиалинии" авиахампаанньа "Мин быһыыны ылбытым!" аахсыайаны биллэрэр. Аахсыйа чэрчитинэн, хамсыктан утары быһыыны ылбыт айанньыттар авиабилиэт атыылаһалларыгар 5% чэпчэтииннэн туһаныахтара. Бу туһунан авиахампаанньа пресс-сулууспата иһитиннэрэр. 

Чэпчэтиилэр авиахампаанньа бары бэрээдэктэммит сырыыларыгар тарҕанар. Чэпчэтиилээх билиэтинэн от ыйын 1 күнүттэн атырдьах ыйын 31 күнүгэр дылы көтүөххэ сөп. Билиэттэри авиахампаанньа кассаларыттан уонна ааҕыныстыбалартан бэс ыйын 28 күнүттэн атырдьах ыйын 31 күнүгэр дылы атыылаһыахха сөп. Чэпчэтииннэн туһанарга хоруона хамсыгыттан быһыыны ылбыккыт туһунан сэртипикээти көрдөрөҕүт (ону бу сигэннэн киирэн көрүҥ:  https://polar.aero/certificate_covid01-00.jpg) эбэтэр профилактическэй быһыы сэртипикээтигэр хамсыктан утары быһыыны ылбыккыт туһунан бэлиэтэнии баарын көрдөрөҕүт (https://polar.aero/upload/certificate_otmetki_290621.jpg).

Дьокуускай куоракка авиахампаанньа кассалара маннык аадырыстарга бааллар:

- Курашов, 22 (Ленин өттүнэн киирэҕит), сарсыарда 8.00 киэһэ 20.00 дылы үлэлиир. Баскыһыанньаҕа –  9.00 -15.00. Б.т.: 8(4112)424801

- «Дьокуускай» аэрпорт,  8.00 - 20.00. Баскыһыанньаҕа – өрөбүл. Б.т. 8(4112)495445

- «Маҕан» аэропорт, үлэ бириэмэтин 8(4112)406036 төл. эрийэн билсэҕит.

-  Биисинэс-киин (Киров уул.,18, блок А, 1 этээс),  10.00 -18.00 дылы үлэ күннэригэр үлэлиир. Суб,бас. – өрөбүллэр. Б.т. 8(4112)219799

 

Тарҕат:

Санааҕын суруй

Бүтэһик сонуннар