Киир

Киир

«Горняк» сонотуоруй-профилакторий – алмаастаах хампаанньа Эмтиир Киинигэр киирсэр. Бу манна эмтэммит дьон сүрдээҕин астыналлар, хайгыыллар.

Манна физиотерапия, илбийии, массаж кириэhилэтэ, «Шарко» дуус, уфо-кислородотерапия, арома-терапия, эмтээх бадараанынан угуттааhын, астма ыарыылаахтары тууhунан эмтээhин, эмтээх оттортон коктейллар, чэйдэр бааллар. Уопсайынан, усулуобуйалара аныгы ирдэбилгэ толорутук эппиэттиир. «Горняк» араас ыарыыны, эрдэттэн сэрэтэр аналлаах тэриллээх («Диагностическое оборудование»).

Чуолаан, Германия, Япония медтиэхиньикэтин туhаналлар.

20200123 113539

Ордук, Япония «Pentax» ыарыыны чинчийэр тэрилэ ситиhиилээхтик үлэлиир. Итинник ньыманан, ааспыт биэс сыл тухары, «скрининг», ол эбэтэр үлэhиттэр доруобуйаларын сыныйан тургутууну ыыттылар. Манна туох да күhэйии суох. Доруобуйатынан чэгиэн да киhи, саахарын туругун, хаанын баттааhынын, быара-нооро хайдах үлэлиирин сыныйан бэрэбиэркэлэтэр.

20200123 110226

Саха сиригэр үлэлиир бырамыысалыннай тэрилтэлэргэ маннык ураты кыhамньыны харахтыы иликпин. Онон «Горняк» үлэһиттэригэр ирдэбил кытаанах.

20200123 111511

20200123 111748

20200123 113515

Хас хос ахсын элбэх ханааллаах тэлэбиидэнньэ, wi-fi, фойеларга - спорт тренажерын эгэлгэтэ бааллар. Аhылыктарын кээмэйэ дэлэгэйин, эттэрэ, балыктара, салааттара, фрукталара элбэҕин дьон хайгыыр.

Дьэ, доҕоттор, алмаастаах хампаанньа аатырбыт сонотуоруйугар эмтэнии сыаната күн-бүгүн төһө эбитий?

21 күҥҥэ «АЛРОСА» үлэhитэ 9 тыhыынча 954 солкуобайга сынньанар, эмтэнэр (икки миэстэлээх хос, душтаах, туалеттаах, халадьыынньыктаах, тэлэбиисэрдээх, вай-файдаах).

Оттон атын тэрилтэттэн кэлээччигэ 21 күҥҥэ сынньаныы – 82 тыһыынча 299 солк. ОМС чэрчитинэн эмтэнии эмиэ баар.

«Горняк» бу ыйтан аана тэличчи арыллар. Ким баҕалаах доруобуйатын тупсарынарыгар тоҕоостоох түгэн тосхойор.

Станислав Алексеев, Мииринэй. Ааптар хаартыскалара.

Тарҕат:

Санааҕын суруй

Бүтэһик сонуннар