Киир

Киир

Кэрэ айылҕалаах Кыыс Амма хас сайын ахсын өрөспүүбүлүкэ араас муннуктарыттан сынньанааччылары куруук угуйар. Оттон билигин, хамсыгынан сибээстээн, сынньана барааччыларга кэккэ хааччахтар киирэн тураллар.

Ол курдук, улуустааҕы хоруона хамсыгын бохсор суһал ыстаап бэс ыйын 25 күнүнээҕи быһаарыытынан, улууска кэлээччилэри кытаанах хонтуруолга ылаллар, вакцина икки быһыытын ылбыт эрэ дьон туристыыр базаларга киирэр кыахтаахтар.

Амма улууһунан Уус Майдаҕа ааһар айанньыттартан (онуоха туоһулуур докумуоннары көрдөрүөхтээхтэр), Амма улууһугар бастайааннай эбэтэр быстах кэмҥэ бэрэпиискэлээхтэр, хоруона хамсыгыттан быһыыны ылбыттар, эбэтэр быраастар быһаарыыларынан быһыыны кыайан ылбат дьон, 18 саастарыгар дылы оҕолор, Аммаҕа кэлиэхтэрин 3 күн инниттэн ПЦР анаалыстара чэгиэн диэн түмүктээхтэр улууска хааччаҕа суох киирэр кыахтаахтар. Маны таһынан, улуустааҕы суһал ыстааптан улууска киирэргэ убаастанар биричиинэннэн көҥүллээхтэр (бохоруонаҕа кэлээччилэр, чугас дьоно ыарытыйааччылар уо.д.а.) хааччаҕа суох улууска киирэр бырааптаахтар. Оттон ити ыйыыларга сөп түбэспэт дьон, хайаан даҕаны 14 күҥҥэ изоляцияҕа барыахтаахтар.

ИДьМ Амматааҕы салаатын үлэһиттэрэ уонна улуус тэрилтэриттэн хомуллубут волонтердар “Амма” трассатын 6 км (Чакыр эҥээр) уонна Эмискэ киириигэ бэрэбиэркэлииллэр. Маны таһынан, анал эриэйдэлэр ыытыллан, өрүс кытылынан сылдьан сынньанааччылары бэрэбиэркэлииллэр, сэрэтии үлэтин ыыталлар.

6a71b724 8060 4db8 8a6d 1288862072fd

110ca9aa 5836 4dac 86d4 c8b56f944b98

3664045a 47cb 4bba 8a7d a5469f80a2f6

bd386678 5b36 4e43 bd30 5715ddc4c846

fda3f9b7 64a8 4abc 8bb9 10daf0ed410b

ef4e753d f378 4ff4 9d97 3e6e7cba5358

Өрөбүллэргэ, бачча өҥүрүк куйааска дьон тоҕуоруһара өйдөнөр. Бэҕэһээ, Чапчылҕан, Абаҕа, Бөтүҥ нэһилиэктэригэр кэлии дьону бэрэбиэркэлээбиттэр, уопсайа 15 киһини кытары кэпсэппиттэр. Сынньана кэлээччилэр ханна, кимниин алтыспыттарын быһаараллар, өйдөтүү, сэрэтии үлэтин ыыталлар. Өскөтүн кэһии баар буоллаҕына, сынньанааччылары административнай эппиэккэ тардаллар (СӨ Административнай быраап Кодексын 20.6.1. ыст.). Маннык хааччах өрөспүүбүлүкэҕэ муҥутуур бэлэмнээх эрэсиимэ олохтонорун тула ыытыллар. Бу туһунан улуус дьаһалтатын пресс-сулууспатыгар иһитиннэрдилэр.

Тарҕат:

Санааҕын суруй

Бүтэһик сонуннар