Киир

Киир

Дьокуускай куоракка хаарбах туруктаах көтүрүллүбүт коррекционнай оскуола оннутугар доруобуйаларынан хааччахтаах адаптивнай үөрэтэр комплекс тутуллуоҕа. Бу туһунан Ил Дархан Айсен Николаев эттэ.

Көтүрүллүбүт оскуола оннутугар коррекционнай оскуоланы сэргэ боростуой оскуоланы тутаары былааннаабыттара. Ол эрээри, учууталлар уонна төрөппүттэр биир түөлбэҕэ икки үөрэх кыһата турарын утарбыттара. Ити туһунан эппиттэрин кэннэ. Ил Дархан миэстэтигэр тиийэн оскуола кэлэктиибин уонна төрөппүттэри кытары көрсүбүттэрэ. Ити түөлбэҕэ орто оскуола тутулларын туһунан мээрийэ былырыын быһаарыныыны ылбыттара, ол эрээри ити туһунан соторутааҕыта саҥа биллэрбиттэр.

Айсен Николаев төрөппүттэр уонна кэлэктиип санаатын кытары сөпсөспүт уонна оскуола оннутугар доруобуйаларынан хааччахтаах оҕолорго улахан адаптивнай үөрэх комплексын тутарга этии киллэрбит. Онно 34-с №-дээх оскуола оҕолоро эрэ буолбакка, 22-с №-дээх өй сайдыытыгар хаалыылаах анал оскуола оҕолоро сылдьар буолуохтара. Ил Дархан бу боппуруоһу тус хонтуруолугар ылла уонна мээрийэҕэ комплекс тутуллуутун кэмигэр, оскуоланы быстах кэмҥэ көһөр сирдэрин быһааралларыгар сорудахтаата.

Тарҕат:

Санааҕын суруй

Бүтэһик сонуннар