Суоллары салайар «Бүлүү» Федеральнай Хааһына Тэрилтэ биллэрэринэн, «Халыма» айан суолугар тырааныспар туох баар бары көрүҥэр айан сырыыта көҥүлэннэ.
От ыйын 4 күнүн киэһэтигэр, 293 килэмиэтиртэн 406 килэмиэтир иһинэн учаастакка, ойуур баһаарын буруота арыый уҕараабытынан сибээстээн, тырааныспар бары көрүҥэр айан аартыга арылынна.
Эрдэ биллэриллибитинэн, ойуур баһаарын хойуу уотуттан, от ыйын 4 күнүгэр 15:05 ч. тырааныспар туох баар бары көрүҥүн сырыыта тохтотуллубута. Онтон киэһэ 20:05 ч. суол бу кэрчигэр сырыы номнуо сөргүтүллүннэ.