От ыйын 6 күнүнээҕи туругунан, Саха сиригэр эбии 91 киһи хоруона хамсыгар хаптарбыта биллибит. Бу туһунан хамсыгы бохсор өрөспүүбүлүкэтээҕи суһал ыстаап иһитиннэрэр.
Дьокуускайга 50 киһи ыалдьыбыт. Алдаҥҥа — 6, Нерюнгрига — 5, Мэҥэ Хаҥаласка, Хаҥаласка — түөртүү, Аммаҕа, Үөһээ Бүлүүгэ, Уус Алдаҥҥа — үстүү, Бүлүүгэ, Мииринэйгэ, Сунтаарга — иккилии, Горнайга, Эдбигээҥҥэ, Ленскэйгэ, Намҥа, Өймөкөөҥҥө, Тааттаҕа, Чурапчыга — биирдии.
Суукка устатыгар өрөспүүбүлүкэ лабораториялара 1279 хамсык анаалыһын оҥорбуттар, уопсайа хамсык туруорҕуттан 1 мөл. 200 тыһ. 658 маннык анаалыһы оҥордулар.
От ыйын 6 күнүнээҕи туругунан, өрөспүүбүлүкэҕэ уопсайа 268037 вакцина дозата кэлбит. Бастакы быһыыны 218 тыһ. 871 киһи ылбыт, ол иһигэр 60-нарын ааспыт 49956 киһи. Иккис быһыыны 177017 киһи ылбыт, ол иһигэр 60-нарын ааспыт 40 277 киһи. Киирбит вакцинаттан 81,3%-нын толору туһаммыттар.
