Киир

Киир

«Коммерсантъ» хаһыат, официальнай интернет-порталга тахсыбыт Култуура миниистирин бирикээһигэр сигэнэн, национальнай киинэлэр ,бүддьүөттэрин 70 %-нын үбүлээһинин судаарыстыбаттан ылыахтарын сөп диэн иһитиннэрдэ.

 Ол курдук, бу дьыл ыам ыйын 31 күнүнээҕи докумуоҥҥа сурулларынан, маннык хабааннаах киинэлэр судаарыстыбаттан харчынан өйөбүл ылыахтарын син: 70 мөл. тиийэ көмө харчыга тиксиэхтэрин сөп – толору уһуллубут социальнай суолталаах киинэлэр, итиэннэ оҕолорго анаммыт хартыыналар, 50 мөл. тиийэ үбүлээһиҥҥэ – ааптар уһулбут эбэтэр эспэримиэн быһыытынан уһуллубут киинэлэр, онтон саҥа саҕалааччыларга – 30 мөл.тиийэ судаарыстыбыннай өйөбүл көрүллүөн сөп.

50 мөл. тиийэ субсидия харчыны толору анимационнай киинэлэр ылыахтарын сөп, мүнүүтэтигэр 350 тыһ. төлөбүрдээх өйөбүлү кылгас анимационнай киинэлэри устааччылар ылыахтарын син, 250 тыһ. диэри көмө харчыга эрэниэхтэрин сөп – урут судаарыстыбыннай өйөбүлү ылбатах анимационный киинэлэр бастакы сиэрийэлэрин оҥорооччулар, итиэннэ кылгас анимационнай киинэлэри устууну маҥнайгы саҕалааччылара. Оонньуута суох киинэлэр 1,5 – 10 мөл. тиийэ судаарыстыбыннай өйөбүлгэ тиксиэхтэрин сөп.

Киинэни оҥорон таһаарыыны харчынан өйүүр бирикээскэ иһитиннэрбиттэринэн, бу сокуоҥҥа саҥа киллэрии туолуутун Арассыыйа Федерациятын култууратын миниистирин бастакы солбуйааччытыгар Сергей Обрывалиҥҥа сүктэрилиннэ.

Тарҕат:

Санааҕын суруй

Бүтэһик сонуннар