Киир

Киир

Дойду киин куоратыгар Москваҕа, З.А. Башляева аатынан куораттааҕы клиническай балыыһаҕа, маҥнайгы 11 оҕо хамсыгы утары быһыы бастакы компоненын ыллылар.

Москватааҕы доруобуйа харыстабылын департаменын сүрүн бырааһа, мэдиссинэ билимин дуоктара Исмаило Османов, ол туһунан оптуорунньук күн иһитиннэрдэ.

«Россия-24 » тэлэбиидэнньийэ ханаалыгар кини маннык эттэ: «Бүгүн биһиэхэ 11 күн быһыыны ыллылар. Кэлэр түһүмэххэ атын бөлөх оҕолор буолуохтара. Ол курдук, З.А. Башляева аатынан куораттааҕы оҕо клиническай балыыһатын базатыгар 50 оҕо хамсыгы утары быһыы ылыахтара»

“Барыта уопсайа, 100 оҕоҕо хамсыгы утары быһыы туруорар былааннанар (“Спутник V” хамсыгы утары быһыы килииникэ чинчийиилэригэр)», - диэн эбэн эттэ Османов. 50 киһилээх бастакы бөлөх быһыыны З.А. Башляева аатынан куораттааҕы оҕо клиническай балыыһатыгар ылыахтара, иккис бөлөх – Морозов аатынан оҕо клиническай балыыһатыгар, диэн эбэн эттэ кини.

«Бары ((“Спутник V” бастакы компоненын ылбыт оҕолор) туруктара этэҥҥэ. Оҕолор быһыыны, туох да ойоҕос дьайыыта, уустугуруута суох аһардылар. Билигин прививкэ ылбыт оҕолор 48 чаас устата биһиги эмчиттэрбит кыраҕы кэтэбиллэригэр киирдилэр, онтон салгыы кинилэр дьиэлэригэр тахсыахтара», - диэн чорботон бэлиэтээтэ Османов.

Чинчийии хайдах барара

Быһыы бастакы уонна иккис компоненнарын ылбыт оҕолор үс күн устата стационар иһигэр сабыылаах хосторго олоруохтара, хас быһыы ылыахтарын иннинэ эмчиттэр кинилэри доруобуйаларын туругун көрүөхтэрэ. Ол кэнниттэн кинилэр өссө хас да төгүл балыыһаҕа кэлэннэр анаалыс туттарыахтара. Оҕолор, анал мобильнай сыһыарыыга бэйэлэрин кэтэнэр күннүк сурунар буолуохтара, быраастар кинилэр доруобуйаларын туругун төлөппүөн нөҥүө хонтуруоллуу сылдьыахтара.

Бу иннинэ, Москва куорат аҕа баһылыгын социальнай сайдыы боппуруостарыгар солбуйааччы Анастасия Рыкова иһитиннэрбитинэн, чинчийииигэ эрдэ хамсыгынан ыалдьыбатах, мэдиссиинэ өртүнэн утарар көрдөрүүлэрэ суох оҕолор кыттыыны ылбыттар. Быстах кэмҥэ утарар көрдөрүүнэн буолуон сөп – оҕо быһыыны ылыан икки нэдиэлэ иннигэр тымныйа сылдьыбыта, эбэтэр хамсыгы утары быһыы ылыан 30 хонук иннигэр, ханнык эмит атын ыарыыны утары быһыы ылыыта.

Тарҕат:

Санааҕын суруй

Бүтэһик сонуннар