От ыйын 7 күнүнээҕи туругунан, Саха сиригэр эбии 92 киһи хамсыкка хаптарбыт. Бэҕэһээ 91 ыарыһах булуллубута.
Ольга Балабкина брифинг кэмигэр "дьон уоппускаттан төннөрө элбээн, ыарыы улаата турар. Ордук хат дьахталлар уонна дьарҕаа ыарыылаахтар ыараханнык ыалдьаллар" диэтэ. Маны таһынан, вице-премьер дьон быһыы ылыытын көҕүлүүргэ Үүнэр көлүөнэ пуондата сүүйүүлээх оонньууну тэрийбитин иһитиннэрдэ.
Дьокуускайга 49 киһи ыалдьыбыт, Нерюнгрига — 7, Мииринэйгэ — 6, Эдьигээҥҥэ, Хаҥаласка — 4-түү, Үөһээ Бүлүүгэ, Мэҥэ Хаҥаласка, Өймөкөөҥҥө — 3-түү, Алдаҥҥа, Горнайга, Уус Алдаҥҥа, Чурапчыга —2-лии, Бүлүүгэ, Тааттаҕа, Ленскэйгэ, Намҥа, Томпоҕо биирдии киһи ыалдьыбыттар.
Федеральнай суһал ыстаап бүтэһик дааннайдарыгар сурулларынан, Саха сиригэр 792 киһи өлбүт, 38171 киһи өрүттүбүт.
Билиҥҥитэ 271 187 доза вакцина кэлбит, бастакы быһыыны 221989, иккиһи — 177885 киһи ылбыт.
