Информатика СКЭтин быйыл 4 выпускник саамай үрдүк баалга туттарда. Бу туһунан үөрэх министиэристибэтин пресс-сулууспата иһитиннэрэр.
Быйыл информатика СКЭтэ аан бастакытын көмпүүтэринэн ыытылынна. Бу биридимиэти 1120 выпускник талан туттарда.
"100 баалга В.П.Ларионов аатынан Дьокуускайдааҕы физико-тэхэньиичэскэй лиссиэй выпускнига Максим Лаптев уонна Иван Шамаев дириэктэрдээх Өрөспүүбүлүкэтээҕи лиссиэй-интэринээт (РЛИ) 3 выпускнига — Никита Семенов, Айаал Соров уонна Владислав Христофоров туттардылар", - диэн министиэристибэ суруйар.
