Киир

Киир

Саха сирин борокуратуурата биллэрэринэн, уорбаланааччы 21 дьыалаҕа буруйданар.

Ааспыт сыл, олунньу ыйыгар сууттанааччы эр киһи, харчы манньаҕа, суоппар дастабырыанньатын ыларга эксээмэн туттарарга көмөлөһүөм, массыына ыытар бырааптарын былдьаппыт дьоҥҥо докумуоҥҥутун төнүннэриэм диэн эрэннэрэн, интернеккэ биллэрии таһаарбыт.

Итэҕэйимтиэ гражданнар буруйданааччыны кытта сибээскэ тахсан, кини усчуотугар харчы бөҕө ыыппыттар. Ол кэннэ тута түөкүн төлөппүөҥҥэ эппиэттээбэт буолан хаалар эбит уонна өҥөҕө наадыйбыт дьон нүөмэрдэрин эрийэллэрин хааччахтаан кэбиспит.

Эмсэҕэлээччилэргэ оҥоһуллубут хорумньу уопсайа 500 тыһ. тахса кэриҥэ солк. буолбут. Холуобунай дьыала Дьокуускай куорат суутугар атаарылынна.

Бу маннык түбэлтэ биир эрэ буолбатах. Эрдэ иһитиннэриллибитинэн, куоракка баар түөкүттэр бөлөхтөрө, албыннаан суоппар дастабырыаннатын атыылыыбыт диэн, үгүс дьону отоойкоҕо олордубуттар.

Тарҕат:

Санааҕын суруй