Киир

Киир

Уокуруктааҕы дьаһалта пресс-сулууспата иһитиннэрэринэн, Дьокуускай куоракка, муус устар 1 күнүгэр саҕаламмыт аармыйаҕа ыҥырыы хампаанньыйата түмүктэнэн эрэр.

Бу, хамсык хааччахтаах кэмигэр үһүс төгүлүн ыытыллар аармыйаҕа ыҥырыы тэрээһинэ. Маннык усулуобуйаҕа, быһыыга-майгыга үлэлииргэ балай эмэ элбэх уопут мунньулунна, хамсык тарҕамматын утары туох баар ирдэбиллэр, быраабылалар тутуһуллан кэллилэр.

Дьокуускай куорат байыаннай комиссара Афанасий Захаров бэлиэтээбитинэн: “Хамыыһыйа көхтөөх үлэтин түмүгэр, өрөспүүбүлүкэ байыаннай комиссариатынан анаммыт былаан туолла. Аармыйаҕа ыҥырыы кэмигэр биир да сиргэ ыарыы өрө туруута бэлиэтэммэтэ. Барыта хамыыһыйаны 3635 эдэр дьон аастылар, кинилэртэн байыаннай сулууспаҕа 700 киһи ыҥырылынна”.

Саха сириттэн аармыйаҕа барааччылар Илиҥҥи байыаннай уокурук сэбилэниилээх күүстэрин араас көрүҥнэринэн араарылыннылар. Ол курдук ыччаттар: мотострелковай, салгын десанын байыаннай чаастарыгар, тимир суол войскаларыгар, байыаннай-муора флотугар уонна байыаннай-космическай күүстэргэ ананнылар. Аармыйа туох баар көрүҥнэригэр ордук чуолаан суоппардар наадалар. Саха сирэ, аармыйаҕа үрдүк үөрэхтээх саллааттары атаарааччылартан, Бүтүн Уһук Илиҥҥи Уокурукка – инникилэр күөннэригэр.

Тарҕат:

Санааҕын суруй

Бүтэһик сонуннар