Киир

Киир

Өрөспүүбүлүкэтээҕи уураахха сөп түбэһиннэрэн, Саха сирин олохтоохторо санаторийдарга сынньанарга чэпчэтиилээх усулуобуйалаларынан туһаныахтарын сөп.

Саха сирин үлэҕэ уонна социальнай сайдыыга миниистирэ Елена Волкова быһаарбытынан, санаторийга-куруортка эмтэниигэ чэпчэтиилээх усулуобуйалары, эбэтэр үлэ министиэристибэтин хайысхатынан харчынан төлөбүр компенсацияны ылыахтарын син: тыыл бэтэрээннэрэ, 60 саастарыттан тахсыбыт үлэ бэтэрээннэрэ, ону таһынан сэрии оҕолоро. Эмтэниигэ хайысханы, бэтэрээннэр, Нэһилиэнньэ уонна үлэ социальнай көмүскэлигэр сайабылыанньа суруйан, уопсай уочарат быһыытынан ылыахтарын сөп.

Миниистир Елена Волкова чопчулаабытынан: «Хамсык уустук балаһыанньатынан сибээстээн, санаторийга-куруортка эмтэниигэ иммунизация кууруһун толору ааспыт уонна быһыы ылбыттара 42 күн ааспыт эрэ гражданнар, итиэннэ үс ыйтан кырата суох хамсык орто/ыарахан туругунан ыалдьан, үтүөрбүт дьон тиксиэхтэрин сөп».

Ону таһынан, тыыл бэтэрээннэригэр путевка толору сыанатын иһинэн, харчынан компенсация эмиэ көрүллэр. Бэриллибит чэпчэтиинэн икки сылга биирдэ туһанар кыах баар буолла.

Ону тэҥэ, үлэ бэтэрээннэрэ Саха сирин иһигэр эмиэ, чэпчэтиилээх санаторий-куруорт эмтэниитигэр барар эбии кыахтаннылар. Эбэтэр бу путевка сыанатыттан 80 %-нын харчынан компенсация быһыытынан ылыахтарын сөп. Аҕа Дойду Улуу сэриитин оҕолоругар – харчынан компенсация санаторийга-куруортка эмтэнэр путевка уопсай сыанатыттан 50 % төлөнөр буолуоҕа.

Бэйэлэрин харчыларыгар путевка атыылаһан, сынньанан-эмтэнэн кэлбит дьон, биир сыл иһигэр, Нэһилиэнньэ уонна үлэ социальнай көмүскэлигэр сайабылыанньа суруйан, булгуччу ирдэнэр докумуонары туттаран, харчыларын төнүннэрэр кыахтаннылар. Туох баар ирдэнэр докумуоннары электроннай ньыманан Судаарыстыбыннай өҥөлөр саайтарыгар ыытыахха сөп, эбэтэр e-yakutia судаарыстыбыннай уонна олохтоох порталын нөҥүө тиксэрэр көҥүллэнэр.

Саха сиринээҕи Үлэ уонна социальнай сайдыы министиэристибэтин пресс-сулууспата

Тарҕат:

Санааҕын суруй

Бүтэһик сонуннар