Уруккута – бу ХИФУ Мииринэйдээҕи политехническай институтун өр сылларга ситэ тутуллубакка турбут эбийиэгэ.
Ону, оройуон дьаһалтатыгар буолбут сүбэ мунньахха, боһойуллубатах тутууну, Оҕо Айымньытын Дьиэтэ (ЦДОД) оҥорорго быһаарбыттар.
Тутуу сакаасчытынан оройуон хоммунаалынай-тутар салалтата боломуочуйаланна. Оттон бэдэрээччитинэн, инньэ Москуба курдук ыраах баар ПКО «Техресурс» ананна.
Эбийиэк үбүлээһинин алмаастаах хампаанньа оҥорор буолан үлэ сүрдээх кимиилээхтик баран эрэр. Манна тиэхиникэ арааһа үлэлиир. Тутуу матырыйаала кэмигэр тиэллэн кэлэн, «аҥайан” турбут сирдэри бөдөҥ шлако-болуоктарынан сулбуччу бүөлүү оҕустулар.
Ис барааныгар эркиннэри туруоруу, тулааһыны бөҕөргөтүү үлэлэрэ бара тураллар. Бэдэрээччит, билиҥҥитэ, эбийиэги куһаҕана суох тэтимнээхтик дьэндэтэ сылдьар.
Оҕо Айымньытын Дьиэтэ, 2021 сыл төрдүс кыбаарталыгар үлэҕэ киирэргэ бэлэмнэнэр.
Станислав Алексеев
Мииринэй куората.
