Киир

Киир

2021 сыл от ыйын 12 күнүгэр Бүлүү улууһун баһылыга Сергей Винокуров нэһилиэк баһылыктарын кытта көрсүһүүтүгэр муниципальнай тэриллиилэргэ тыырыллыахтаах субсидия куонкуруһун түмүгүн таһаарда. Субсидия улуус бүддьүөтүттэн бэриллэр. Уопсай суумата – 130,481 мөлүйүөн солкуобай.

Мунньах кэмигэр Сергей Николаевич улуус нэһилиэктэрин баһылыктарыгар уонна чопчу хайысхаларынан субсидия тыырыытыгар үлэлэспит хамыыһыйа чилиэннэригэр таһаарыылаах үлэлэрин иһин махтанна. Хамыыһыйаҕа улуус дьаһалтатын салайааччылара, эппиэттээх үлэһиттэрэ, улуус мунньаҕын дьокутааттара киирбиттэрэ. Көрсүһүү кэмигэр бэлиэтээн этиллибитинэн, хамыыйа таһаарыылаахтык, сиэрдээхтик үлэлээн, субсидия харчыта нэһилиэктэгэ тыҥаан турар саамай сүрүн, тыын суолталаах соруктары быһаарарга туттуллар буолбут.

Ол курдук, бу күннэргэ Бүлүү улууһун бөһүөлэктэрэ түөрт хайысханан субсидия харчытын тутуохтара. Ол иһигэр бааллар: территориялары тупсарыы, бөһүөлэктэр социальнай уонна култуурунай эбийиэктэрин матырыйаалынай-тэхиниичэскэй базатын саҥардыы, чөлүгэр түһэрии, айан суолларын өрөмүөннээһин.

Бэлиэтээн эттэххэ, субсидия харчыта АЛРОСАттан киирэр 2021 сыллааҕы дивиденд баар буолан көрүллэр.

Бөһүөлэк дьаһалталарыгар былааннарын, соруктарын ситиһиилээхтик олоххо киллэрэллэригэр баҕарабыт.

Тарҕат:

Санааҕын суруй

Бүтэһик сонуннар