Арассыыйа Бырабыыталыстыбатын кытта сүбэ мунньах кэмигэр Ил Дархан Айсен Николаев, өрөспүүбүлүкэ ойуурун уоттан көмүскүүр сыаллаах, Владимир Путиҥҥа туһаайан үс сүрүн этиини киллэрдэ. Ил Дархан хас биирдии этиитэ Арассыыйа Бэрэсидьиэнин өйөбүлүн ылла:
- Арассыыйа Бырабыыталыстыбата Саха сиригэр Ойуур баһаардарын умулларар эрэгийиэннээҕи киини арыйар туһунан боппуруоһу көрүөҕэ. Маннык киини арыйыы эрэгийиэҥҥэ баһаар балаһыанньатын хонтуруоллуурга бигэ тирэх, төһүү күүс буолуоҕа. Ойуур пуондатын көмүскүүр таһым лаппа үрдүө.
- Ойуур баһаардарын умулларыыга федеральнай үбүлээһин саҥа хайысхаларын олоххо киллэриигэ Владимир Путин өйөбүлүн ылыы.
- Өрөспүүбүлүкэҕэ ойуур баһаарыгар үлэлиир анал тиэхиньикэ кэлиэҕэ: эрэгийиэн ураты, тыйыс усулуобуйатыгар үлэлиир үрдүк кыамталаах ДТ-75 тыраахтардар.
Маны таһынан, Арассыыйа Бэрэсидьиэнэ киэҥ сирдээх-уоттаах, ол эрээри аҕыйах нэһилиэнньэлээх эрэгийиэннэр ойуур көмүскэлигэр боломуочуйаларын федеральнай таһымҥа көһөрөр дьаһалы биэрдэ.
Айсен Николаев хаһыс да төгүлүн бэйэтин кыахтаах уонна сатабыллаах салайааччы быһыытынан көрдөрдө. Өрөспүүбүлүкэ сиригэр-уотугар буола турар ойуур баһаардарын кэрийдэ, уоту умулларыы хаамыытын тус бэйэтинэн тиийэн хонтуруоллаата, туһааннаах дьаһаллары биэрдэ. Саамай сүрүнэ Арассыыйа Бэрэсидьиэнэ Владимир Путин өйөбүлүн ситистэ.
Сэҥээриилэр
Хобу сиби итэҕэйбэппин.
Ил Дархаммар доруобуйаны,дьолу соргуну баҕарабын!