Киир

Киир

«Лена» федеральнай айан суолун салалтатын официальнай саайта иһитиннэрэринэн, Саха сиригэр Алдан улууһун нөҥүө ааһар А-360 «Лена» трасса учаастактарыгар, суол үлэлэрэ эрдэттэн былааннаммыт болдьохтон үс ый эрдэ түмүктэннилэр.

«Өрөмүөн үлэтин чэрчитинэн, барыта 16 килэмиэтир усталаах, гравий-щебень кутуулаах үс алдьаммыт суол кэрчиктэрэ өрөмүөннэннилэр. 900 килэмиэтиртэн 906 килэмиэтиргэ тиийэ уонна 906, 907,907 килэмиэтирдэртэн 916 килэмиэтиргэ тиийэ суол кэрдиистэригэр полимер-битум булкаастаах саҥа икки хос асфальтобетоннай араҥа кутулунна», - диэн этиллэр иһитиннэриигэ.

Салалтаҕа бэлиэтииллэринэн, бу саҥа технология – суол үйэтин уһатар. Саха сирин тыйыс усулуобуйатыгар, кыһынын тымныыттан хайа барыыны тохтотор.

907 килэмиэтир уонна 916 килэмиэтирдэр икки ардыларыгар, суол оҥорооччуларынан, суоппардар массыыналарын көрүнэр металлическай эстакадалара уонна сынньанар сирдээх, ыскамыайкалаах анал былаһааккалара тутулунна. 15 ууну аһардар турбалар чөлүгэр түһэрилиннилэр. Айан суолуттан сыырынньа устун уу түһэригэр анаммыт бетон лотуоктар бэлэм буоллулар.

Ону таһынан, капитальнай өрөмүөн чэрчитинэн, 9 килэмиэтир усталаах гравий-щебень хайа барыыта сөргүтүллэн, суол көнө ньуурданна.Исписэлиистэр, олук алын араҥатын щебень-кумах булкаастаах оҥордулар, оттон суол үөһээ араҥата үс хос кутуу асфальтобетон кутууттан турар буолла.

Өрөмүөн барбыт түөрт учаастагар ымпыгар-чымпыгар тиийэ бары үлэлэр түмүктэннилэр: суол бэлиэлэрэ, сэрэтэр остуолбалар, хаххалыыр күрүөлэр турдулар уонна суолу икки аҥы араарар сурааһыннар тардылыннылар.

Быйыл, суолу өрөмүөннүүр болдьох бүтүүтэ, «Лена» федеральнай айан суолугар өссө эбии 21 килэмиэтир суолу асфальтобетон бүрүөһүҥҥэ көһөрүөхтээхтэр. Хаалбыт 174 килэмиэтир эһиил, 2024 сылга биирдэ өрөмүөннэниэҕэ.

Тарҕат:

Сэҥээриилэр

igorbykovta
0 igorbykovta 27.07.2021 04:53
CEKС ЗНAKОМCТBA Бecплaтнo, анoнимнo, реальные фoтки и девки сами xoтят, без шлюх и рaзвoдил. Peгайcя и ужe ceгoдня у тeбя будeт ceкc! Сам пoстoянно там цeпляю телок, вoт caйт ==----- http://srt.vg/lovkis
Ответить

Санааҕын суруй

Бүтэһик сонуннар