Ойуур баһаардарын утары охсуһар үтүө баҕа санаа өртүнэн тэриллибит ыстаап бэрэссэдээтэлин солбуйааччы, урбаанньыт идэлээх Ольга Григорьева, уоту утары охсуһа сылдьар уопсастыбынньыктары уонна актыбыыстары хааччыйыы, өйөбүл үлэтэ хайдах баран иһэрин туһунан сырдатта.
Уопсастыбанньык тиэрдэр: “Мин Саха Өрөспүүбүлүкэтин Уопсастыбыннай Палаататын чилиэннэрин кытта кэпсэтэн баран, бары күүспүтүн холбуохпутун наада эбит диэн түмүккэ кэллибит. Константин Борисов, Александр Жураковскай, Афанасий Павлов диэн эдэр-сэнэх сүүрэр-көтөр дьонноох, Үтүө баҕа санаа өртүнэн тэриллибит «Айылҕа Дьулурҕа» бөлөх, «Төрөөбүт айылҕабытын харыстыаҕын» уопсастыбыннай хамсааһын, волонтердары кытары үлэлиир киин тэрилтэлиин, Биир Кэлим ресурснай киинниин бары күүһү түмэн, ойуур баһаардарын утары охсуһар Үтүө баҕа санаа Киинин тэрийдилэр. Бу хамсааһын – киһи кэрэхсиир өрүттэрэ, уоту утары олохтоох нэһилиэнньэни эрэ буолбакка, өрөспүүбүлүкэ сиригэр-уотугар ситиһиилээхтик үлэлии-хамныы сылдьар омук дьонун диаспораларын күүстэрин айылҕа алдьархайын утары туһаайыы. Үлэбит барарын тухары Саха сиринээҕи ойуур баһаардарын утары охсуһар Суһал ыстаабы кытары ситиммитин быспаппыт”.
Ольга Григорьева этэринэн, ыстаапка үлэһит илии тиийбэт, барыта уопсастыбаннай саҕалааһыннарга эрэ тирэнэр. Биир бөлөх үтүө баҕа санаа өртүнэн барар дьону хомуйар, иккис бөлөх ас-үөл, сэп-сэбиргэл атыылаһар, үһүс бөлөх наадалаах малы үлэһиттэргэ тиэрдэр-тарҕатар. Киин сүрүн сыала-соруга – уоту утары тэрээһиннэргэ кыттыһа сылдьар дьону маҥнайгы ирдэнэр сээкэйдэринэн хааччыйыы уонна өйөбүл Үтүө баҕа санаа өртүнэн тэриллибит ойуур баһаарын утары охсуһар ыстаап салайааччытынан талылынна – Саха Өрөспүүбүлүкэтин Уопсастыбаннай Палаататын чилиэнэ, «Арассыыйа тирэҕэ» Саха сиринээҕи эрэгийиэннэҕи салаатын бэрэссэдээтэлэ Афанасий Алексеев.
Ыстаапка, ойуур баһаардарын умулларыыга бэйэлэрин үтүө санааларынан көмөлөһүөн баҕарар дьону күүтэбит. Ким төһө кыахтааҕынан: малынан-салынан, харчынан. Бэрт кылгас кэм иһигэр ыстаап бэйэтин тула төрөөбүт Ийэ Айылҕаларын туһугар дьиҥ сүрэхтэринэн-быардарынан ыалдьар араас дьону түмтэ: волонтердары, уопсастыбанньыктары, урбаанньыттары, тэрилтэлэри.
Норуот күүһэ –көмүөл күүһэ! Аан Ийэ Айылҕабыт тула ааҥанаабыт алдьархайы тула бары бииргэ түмсүөҕүҥ, сомоҕолоһуоххайыҥ! Быһа төлөппүөнүнэн эрийэн тиийэн, уот күдэпчилэнэ турар сиригэр хара бастакынан туох ирдэнэрин билиэххит.
Уопсастыбаннай волонтердар ыстааптарын аадырыһа: Дьокуускай куорат, Орджоникидзе уул, 10. Үлэ чааһа: 9-00 21-00 диэри. Колл-киин: +7(914)824-75-06, 8-4112-50-88-92.
Юридическай сирэйдэр харчыны манна ыытыахтарын сөп: “СӨ Волонтердары кытта үлэлэһэр киинэ” кэмиэрчэскэйэ суох автономнай тэрилтэ (АНО “ЦПРСВ РС (Я)
Расчетнай счёт: 40703810876000002104
Баан: ЯКУТСКОЕ ОТДЕЛЕНИЕ N8603 ПАО СБЕРБАНК
БИК: 049805609
Кор. счет: 30101810400000000609
ОГРН: 1111400002229 ИНН: 1435970687 КПП: 143501001
Төлөбүр анала: «Добровольное пожертвование на борьбу с пожарами».
Сэҥээриилэр