Манна, 2020 сылтан ылата, Новосибирскай куорат “Сибирские ресурсы” фирмата салгыы үлэлии сылдьар.
Бу эбийиэк быйыл, төрдүс кыбаарталга үлэҕэ киириэхтээх. Мииринэйгэ муҥутуур улахан эргиэн уораҕайын, бүгүҥҥү көстүүтүн, эһиги болҕомтоҕутугар тириэрдэбин.
Тас өттө, сүрдээх сиэдэрэй көрүҥнээх, декоративнай – өстүөкүлэ уонна металл-былаастык матырыйаалларынан бүрүллэн бүттэ.
Бу баараҕай Эргиэн Киинэ, 2021 сыл бүтэһигэр үлэҕэ киирэрин туһугар, тутуу ис бараанын ситэриэхтэрин наада.
Аны туран, инженернай утумнара, сантехниката, уота-күөһэ, тутуу ис өттүн билиитэлэринэн бүрүйүү, бэнтилээссийэни оҥоруу. Онон, үлэлэрэ - баһаам.
«Армада» - Мииринэй курдук кыра куоракка, дьэ сөҕүмэр улахан тутуу. 14.989 кб.м иэннээх буолан, туох да сүрдээх киэҥ сири хабар.
Тутуллар Эргиэн Киинигэр 156 миэстэлээх кафе, 96 миэстэлээх көстүүнэй баар буолара бырайыактаммыта.
Сүүс биэс уон эргиэн миэстэтэ баар буолуохтаах. Бу эбийиэк хаһан тутуллан бүтэрин күүтэбит.
Станислав Алексеев
Мииринэй куората
Ааптар хаартыскаҕа түһэриитэ
