ХИФУга уонна Юридическэй полиция колледжыгар уһуйааччынан үлэлээбит эр киһи устудуьуоннартан бэриги ылбытыгар уорбаланар. Онуоха тэриллибит холуобунай дьыала суут көрүүтүгэр барбытын Саха сиринээҕи Силиэстийэлиир кэмитиэт иһитиннэрэр. Дьыала чэрчитинэн сүүстэн тахса киһи доппуруостаммыт.
Уһуйааччыны утары холуобунай дьыала (түөкүннээһиҥҥэ, бэриги ылыыга уонна сулууспалаах албыннааһыҥҥа уорбаланар) былырыын бэс ыйыгар көбүтүллүбүтэ. Силиэстийэ сабаҕалыырынан, 2019-2020 сс. уһуйааччы сымыйаннан эксээмэн уонна зачет туппутун туһунан биэдэмэскэ киллэрбит, маны таһынан, үлэтиттэн уурайан да баран, устудьуоннартан бэриги ылбыта биллибит.
ХИФУ бу киһи Горнай институтка ыстаапка аҥаарыгар үлэлии сылдьыбытын эппитэ, ол эрээри бэриги чааһынай үөрэх тэрилтэтин — Юридическэй полиция колледжын устудьуоннарыттан ылбыта биллибит, кини онно университеттан ордон лиэксийэ ааҕа сылдьыбыт. Уһуйааччы буруйдааҕын, буруйа суоҕун уонна накаастабылы суут сотру кэминэн таһаарыаҕа.
