Үлэ уонна социальнай сайдыы миниистирин солбуйааччы Альбина Трубина иһитиннэрэринэн, ойуур баһаарын уотугар дьиэлэрин былдьаппыт, Горнай улууһун Бэс-Күөлүн дьонугар-сэргэтигэр эбии көмө харчы көрүлүннэ. Олох ыарахан балаһыанньатыгар түбэспит дьиэ кэргэттэргэ оҥоһуллар харчынан көмө - сокуонунан көрүллүбүт нуорма.
Көмө, нэһилиэнньэ социальнай көмүскэлин Салалтатын нөҥүө оҥоһуллар. Кээмэйэ дьиэ кэргэн ахсааныттан тутулуктаах.
Аҕам саастаах уонна инбэлиит курууппалаах дьону чөлүгэр түһэриигэ, Дьокуускай куоракка баар Өрөспүүбүлүкэтээҕи комплекснай инбэлииттэри реаблитациялыыр киин ыларга уонна олохтуурга номнуо бэлэм.
Санатар эбит буоллахха, бэҕэһээ атырдьах ыйын 8 күнүгэр, Саха сирин Аҕа баһылыга Айсен Николаев, ойуур баһаарын алдьархайын түмүгэр дьиэлэрин-уоттарын былаҕайга былдьаппыт Горнай улууһун, Бэс-Күөл нэһилиэгин олохтоохторун өйүүр туһунан дьаһалга илии баттаата. Ил Дархан уокка дьиэлэрин былдьаппыт хас биирдии дьиэ кэргэн чилиэнигэр, бастакы суһаллык ирдэнэр табаардары ыларыгар, отуттуу тыһыынча харчынан көмө биэрэргэ быһаарыы ылынна. Харчынан көмө Горнай улууһун социальнай көмүскэлин нөҥүө оҥоһуллуоҕа, улуус дьаһалтата тэрийбит анал испииһэгинэн.
Саха сиринээҕи үлэ уонна социальнай сайдыы министиэристибэтин пресс-киинэ
