Киир

Киир

Ил Дархан Айсен Николаев быһа эпиир кэмигэр баһаар Горнай, Уус Алдан, Нам, Чурапчы уонна Кэбээйи улуустарыгар ордук суоһуурун эттэ.

"Саамай сүрүнэ — нэһилиэктэргэ уот киирбэтин хааччыйыахпытын наада", - диэг тоһоҕолоон эттэ. Билигин уот нэһилиэктэргэ киирбэтин курдук дьаһаллар ыытыллаллар: минерилизованнай хорууну хаһаллар, улаатынараллар, утары уот ыыталлар. Саха сиригэр киинтэн МЧС көмөтө улаатта. 

Билигин баһаары умулларыыга 5 тыһ. киһи үлэлиир: 128 байыаннай, 300 МЧС үлэһитэ, 1 тыһ. тахса "Лесоохрана" үлэһитэ (250 маннааҕы Лесоохрана үлэһитэ, атыттара бары атын эрэгийиэннэртэн кэлбиттэр), 300 баҕа өтүүнэн үлэлиир дьон уонна атыттара олохтоох нэһилиэнньэ мобилизованнай биригээдэлэрэ.

Маны таһынан, Айсен Николаев нэһилиэнньэҕэ айылҕаҕа тахсалларын туттуналларыгар ыҥырда. Баһаардарынан сылтаан күһүҥҥү булт болдьоҕо көһөрүллэн биэрэрин эттэ. "Быйыл олус кураан турда, онон дьон дьалаҕайыттан уот тааҕыта күөрэйиэн сөп. Онон айылҕаҕа тахсаргытыттан тутунуҥ", - диэтэ. Билигин үгүс улуустарга тыал намыраабыт, онон умулларарга арыый судургу буолуоҕа. Сотору кэминэн Саха сиригэр федеральнай бүддьүөттэн эбии 150 мөл. солк. кэлиэҕэ.

Дьокуускайга буруо Нам уонна Горнай улуустарыттан утары уоту ыытыы түмүгэр кэлбит.

Ил Дархан Мугудайга баһаарга былдьаммыт 1977 с.т. Армения гражданинын дьонугар кутурҕанын биллэрдэ уонна көмө оҥоһуллуоҕа диэн эрэннэрдэ.

Тарҕат:

Санааҕын суруй