Киир

Киир

Бу сарсыарда 7 ч. 24 мүн. "112" суһал нүөмэргэ дьахтар эрийэн "Быыһааҥ, абырааҥ! Миигин куорат кииниттэн уоран бардылар, күүстэринэн туох да түннүгэ эҥин суох дьиэҕэ хаайа сыталлар, аан быыһынан "7" диэн сыыппараны көрөбүн, утары хара аан баар" диэн түрүлүөн бөҕөнү түһэрбит.

Оччолооҕу истэн полиция үлэһиттэрэ, учаскыабайдар суһаллык дьахтары быыһыы ыстаммыттар. Төлөппүөнэ ханна баарын быһааран, аадырыһы көрдүү ыстаммыттар. Сотору буолаат, "уоруллубут" дьахтар кимэ буолара биллибит. Учаскыабайдар кыбартыыраҕа тиийэн тоҥсуйбуттара ким да арыйбатах, ол иһин түннүгүнэн көрбүттэр. Хата, бастакы этээс эбит. Дьахтар утуйа сытары көрбүттэр, уһуктан баран, дьахтар полицияларга кыыһырыы бөҕө буолбут. Онтубут ип-итирик эбит. Өйдөнө түһэн баран "сымыйаннан ыҥырбытым, миэхэ болҕомто тиийбэт. Соҕотох оҕом өлөн хаалбыта, ол аһыыбын арыгынан аһарынабын" диэбит. 38 саастаах Усуйаана улууһун дьахтарын олорор сириттэн ыйыталаһан билбиттэрэ, дьахтар уруккуттан иһэр, оҕотун көрбөтүн иһин учуокка турбут, дьоллоох олоҕу көрдөөн Дьокуускайга көспүтүн быһаарбыттар. Дьолго, 17 саастаах кыыһа тыыннаах, доруобай, өлбүт аҕатын аймахтарыгар олорор эбит.

Итириксит дьахтарга "анал сулууспа үлэһитин соруйан сымыйалаан ыҥырда" диэн РФ КоАП 19.13 ыст. административнай дьыаланы тэрийдилэр.

Тарҕат:

Санааҕын суруй

Бүтэһик сонуннар